(ភ្នំពេញ)៖ លោក ប្រាជ្ញ សីហា អភិបាលរងខណ្ឌឫស្សីកែវ និងជាសមាជិកអចិន្ត្រៃយ៍គណបក្សខណ្ឌ បានចេញមកជុំរុញ​ឲ្យ​មន្ត្រី ដែលទើបប្រឡងជាប់ចំនួន៣៧រូប បានចូលរួមបំពេញភារកិច្ច តំណាងគណៈកម្មាធិការបក្សសង្កាត់ទាំង៧ ចំណុះ​គណៈ​កម្ម​ការបក្សខណ្ឌ ត្រូវតែខិតខំប្រឹងប្រែងយកចិត្ត ទុកដាក់ក្នុងការទទួលវគ្គបណ្ដុះបណ្ដាលស្ដីពី ការចុះបញ្ជី​បេក្ខជនគណ​បក្ស​នយោបាយ និងការឃោសនាបោះឆ្នោតជ្រើ សរើសក្រុមប្រឹក្សាឃុំ-សង្កាត់ អាណត្តិទី៤ នាពេលខាងមុខ។

ការចេញមកជុំរុញរបស់លោកអភិបាលរង និងជាសមាជិកអចិន្ត្រៃយ៍គណបក្សខណ្ឌឫស្សីកែវ ដើម្បីឲ្យមន្ត្រី CPP ដែលទើប​ប្រឡងជាប់ចំនួន៣៧រូប បានចូលរួមមកបំពេញភារកិច្ច តំណាងគណៈកម្មការបក្សសង្កាត់ទាំង៧នេះ បានធ្វើឡើងនៅថ្ងៃទី២៨ ខែកុម្ភះ ឆ្នាំ២០១៧ ស្ថិតក្នុងសាលប្រជុំនៃមន្ទី រគណបក្សប្រជាជនកម្ពុជា ខណ្ឌឫស្សីកែវ ដោយមានការអញ្ជើញចូលរួមពីលោក លោកស្រី ជាមន្ត្រីមកពីគណៈកម្មាធិ ការគណបក្សប្រជាជនកម្ពុជា រាជធានីភ្នំពេញមួយចំនួនផងដែរ។

ក្នុងពិធីបើកវគ្គបណ្ដុះបណ្ដាលរបស់ CPP ខណ្ឌឫស្សីកែវនេះដែរ គណៈឃោសនាអប់រំ ជាសមាជិកអចិន្ត្រយ៍​គណបក្សខណ្ឌ​ឫស្សីកែវ លោក ប្រាជ្ញ សីហា បានលើកឡើងដោយសង្កត់ថា សូមឲ្យសិក្ខាកាមទាំងអស់ ចាំបាច់ធ្វើយ៉ាងណា ត្រូវយកចិត្ត​ទុកដាក់ស្ដាប់រាល់ការណែនាំពី គណៈកម្មាធិការបក្សរាជធានីភ្នំពេញ ដើម្បីទទួលបានការបណ្ដុះបណ្ដាល ស្ដីពីការចុះបញ្ជី​បេក្ខជនគណបក្សនយោបាយ និងការឃោសនា បោះ ឆ្នោតជ្រើសរើសក្រុមប្រឹក្សាឃុំសង្កាត់អាណត្តិទី៤ នាពេលខាងមុខ។

លោក ប្រាជ្ញ សីហា បានលើកឡើងថា «យើងមិនអាចប្រហែសបានឡើយ ព្រោះនៅថ្ងៃទី០៤ ខែមិនថុនា ឆ្នាំ២០១៧ ខាងមុខនេះ គឺជាថ្ងៃបោះឆ្នោតជ្រើសរើស ក្រុមប្រឹក្សាសង្កាត់។ ដូចនេះចាំបាច់ទាមទារឲ្យមាន​ការចូលរួមពីសកម្មជន​ប្រតិកម្មរហ័ស របស់គណបក្សយើង ដើម្បីមកទទួលយក វគ្គបណ្ដុះបណ្ដាលនេះ គឺដើម្បីពង្រឹងបន្ថែមទៅដល់សកម្មជនរប ស់គណបក្សឲ្យកាន់តែក្លាំងក្លា មានទាំងសម្ថភាព និងប្រសិ ទ្ធភាពខ្ពស់»៕