(សៀមរាប)៖ អាជ្ញាធរជាតិអប្សរា បានប្រកាសបើកដំណើរការទំព័រ Facebook ផ្លូវការឡើងវិញ ចាប់ពីថ្ងៃទី២៨ ខែកុម្ភៈ ឆ្នាំ២០១៧នេះ ក្រោយផ្អាកដំណើរការមួយរយៈ។  នេះបើយោងតាមសេចក្តីជូនដំណឹងរបស់អាជ្ញាធរជាតិអប្សរា ដែលអង្គភាពព័ត៌មាន Fresh News ទទួលបានមុននេះបន្តិច។

ការដាក់ដំណើរការទំព័រ Facebook របស់អាជ្ញាធរជាតិអប្សរា នាពេលនេះ បានធ្វើឡើងក្រោយពីក្រុមបច្ចេកទេស Facebook ផ្លូវការ បានខិតខំប្រឹងប្រែងទប់ស្កាត់ និងដោយមានការសហការពីអាជ្ញាធរជាតិអប្សរា រាយការណ៍ឲ្យគ្រប់គ្រង​បានទាន់​ពេលវេលា។

សូមជំរាបថា នៅថ្ងៃទី១៨ ខែកុម្ភៈ ឆ្នាំ២០១៧ មានជនអនាមិក បានលួចចូលគ្រប់ទំព័រ Facebook ផ្លូវការ និងគណនី Facebook ពាក់ព័ន្ធមួយចំនួនរបស់អាជ្ញាធរជាតិអប្សរា បណ្តាលឲ្យមានការផ្សព្វផ្សាយពីសកម្មភាពរបស់អាជ្ញាធរជាតិអប្សរា តាមរយៈ​ទំព័រ Facebook ផ្លូវការ រហូតដល់មានការខកខានដំណើរការអស់មួយរយៈ៕