(ភ្នំពេញ)៖ របាយការណ៍បូកសរុបការងាររបស់ ក្រសួងមហាផ្ទៃ បានបញ្ជាក់ថា ក្នុងឆ្នាំ២០១៦ ផ្នែកសន្តិសុខសាធារណៈ នៃអគ្គនាយកដ្ឋានភស្ដុភារ និងហិរញ្ញវត្ថុ នៃក្រសួងមហាផ្ទៃ ប្រមូលចំណូលបង់ចូលថវិកាជាតិបាន ជាង៤សែនលានរៀល។
តាមរបាយកាណ៍ដែលបានបង្ហាញ នៅក្នុងសន្និបាតបូកសរុបការងារឆ្នាំ២០១៦ របស់ក្រសួងមហាផ្ទៃ នាថ្ងៃទី២២ ខែកុម្ភៈ ឆ្នាំ២០១៧ បានបន្តថា ផ្នែកសន្តិសុខសាធារណៈ នៃអគ្គនាយកដ្ឋានភស្ដុភារ និងហិរញ្ញវត្ថុ បានចំណាយឥណទានថវិកា ប្រចាំឆ្នាំ២០១៦ អនុវត្តបាន «១,១០២,៣៩៣,៤៦២,៤៣៣រៀល» ស្នើនឹង ៩៩.៨៣ភាគរយ នៃឥណទានសរុបប្រចាំឆ្នាំ «១,១០៤,៤៦១,៧០០,០០០រៀល»។
របាយការណ៍ដដែលបានបញ្ជាក់ថា ក្នុងឆ្នាំ២០១៦ ផ្នែកសន្តិសុខសាធារណៈ នៃអគ្គនាយកដ្ឋានភស្ដុភារ និងហិរញ្ញវត្ថុ នៃក្រសួងមហាផ្ទៃ បានប្រមូលចំណូលបង់ចូលថវិកាជាតិចំនួន «៤២៣,២៦៥,២៦០,៦៩១រៀល» ស្មើនឹង ៨៩.៧២ភាគរយ នៃផែនការឆ្នាំចំនួន ៤៧១,៧៨៦,០០០,០០០រៀល»៕
