(កែប)៖ ក្រសួងធនធានទឹក និងឧតុនិយម បានបញ្ជាក់ឲ្យដឹងថា នាព្រឹកថ្ងៃទី ២០ ខែកុម្ភៈ ឆ្នាំ ២០១៧នេះ ស្ថានភាពអាកាសធាតុនៅខេត្តកែប ផ្ទៃមេឃមានសភាពអួរអាប់ ជាមួយនឹងភ្លៀងធ្លាក់ពីខ្សោយទៅមធ្យមស្ទើរទូទាំងខេត្ត។
សូមជម្រាបថា នៅថ្ងៃទី ១៩ ខែ មករា ឆ្នាំ ២០១៧ ម្សិលមិញ ក្រសួងធនធានទឹក និងឧតុនិយម បានចេញសេចក្តីជូនដំណឹង ព្យាករណ៍អាកាសធាតុប្រចាំសប្តាហ៍ ចាប់ពីថ្ងៃទី ២១-២៧ ខែកុម្ភៈ ឆ្នាំ ២០១៧ ដោយបានបញ្ជាក់ថា ចាប់ពីថ្ងៃទី ២៣-២៥ ខែកុម្ភៈ ឆ្នាំ២០១៧ នៅកម្ពុជា អាចនឹងមានភ្លៀងកក់ខែ ក្នុងក្របខណ្ឌស្ទើរទូទាំងប្រទេស។
ជាមួយគ្នានេះ ក្រសួងធនធានទឹក ក៏បានអំពាវនាវដល់បងប្អូនប្រជាកសិករ រួសរាន់ប្រមូលកសិផលទុកដាក់ឲ្យបាន ទាន់ពេលវេលា៕
