(ភ្នំពេញ)៖ សាខាគយ និងរដ្ឋាកររាជធានីភ្នំពេញ បានឃាត់រថយន្តដឹកទំនិញចំនួន២គ្រឿង ដើម្បីត្រួតពិនិត្យអនុលោមភាព នៅថ្ងៃទី១៧ ខែកុម្ភៈ ឆ្នាំ២០១៧នេះ នៅក្នុងភូមិសាស្រ្តរាជធានីភ្នំពេញ។
មន្រ្តីគយ និងរដ្ឋាកររាជធានីភ្នំពេញ បានឲ្យដឹងថា សម្រាប់រថយន្តទាំង២គ្រឿងនេះ មួយគ្រឿងមកពីមាត់ច្រកស្ទឹងហាវ ខេត្តព្រះសីហនុ និងមួយគ្រឿងទៀតមកពីព្រំដែនវៀតណាម ខេត្តស្វាយរៀង។
មន្រ្តីគយ និងរដ្ឋាកររាជធានីភ្នំពេញ បានអំពាវនាវដល់ ប្រជាពលរដ្ឋគ្រប់រូប មេត្តាជួយបំពេញកាតព្វកិច្ច ពន្ធអាករគ្រប់ទំនិញ ទាំងអស់ដែលនាំចូលមកពីបរទេស៕
