(ភ្នំពេញ)៖ លោក ជា ពិសី អភិបាលខណ្ឌឫស្សីកែវ បានចុះសំណេះសំណាល សួរសុខទុក្ខផ្ទាល់ ជាមួយបងប្អូនប្រជាព​លរដ្ឋតាមខ្នងផ្ទះ ដើម្បីចង់ដឹងពីតម្រូវ ការចាំបាច់របស់ប្រជាពលរដ្ឋ រស់នៅក្នុងមូលដ្ឋាន និងផ្ដល់ថវិកាមួយចំនួនផងដែរ។

ការចុះស្វែងយល់ពីតម្រូវការ ក្នុងការរស់នៅរបស់ប្រជាពលរដ្ឋក្នុងមូលដ្ឋាននេះដែរ បានធ្វើឡើងនារសៀលថ្ងៃទី១៤ ខែកុ​ម្ភៈ ឆ្នាំ២០១៧ ស្ថិតនៅក្នុងក្រុមទី៣ ភូមិបឹងឈូក សង្កាត់ គីឡូម៉ែត្រ៦ ខណ្ឌប្ញស្សីកែវ បន្ទាប់ពីលោក ជា ពិ សី ចង់យ​ល់ ចង់ដឹង ចង់ឃើញ ពីសុខទុក្ខ និងការរស់នៅ ព្រមទាំងតម្រូវការចាំបាច់ របស់ប្រជាពលរដ្ឋក្នុងមូលដ្ឋាន តើមានអ្វីខ្លះ​?    

ជាមួយនឹង ការចុះសំណេះសំណាល សួរសុខទុក ្ខជាមួយបងប្អូនប្រជាពលរដ្ឋតាមខ្នងផ្ទះនីមួយៗនេះ​ ប្រជាពលរដ្ឋខ្លះ បានស្នើឲ្យលោកអភិបាលខណ្ឌ ជួយសម្រួលនូវការធ្វើអត្តសញ្ញាណណប័ណ្ណ និងប្រជាពលរដ្ឋខ្លះទៀត ស្នើឲ្យលោកអភិបាលខណ្ឌ ជួយសម្រួលនូវប្រព័ន្ធលូបង្ហូរទឹក ផងដែរ​។

ពាក់ព័ន្ធការស្នើរបស់ពលរដ្ឋ ទៅកាន់លោកអភិបាលខណ្ឌឫស្សីកែវ ដើម្បីឲ្យលោកជួយសម្រួលនូវបញ្ហាអត្តសញ្ញាណ្ណប័ណ្ឌ និងប្រព័ន្ធលូបង្ហូរទឹកនេះ លោក ជា ពិសី ក៏បានសម្រេចទទួលយកសំណើររបស់ពលរដ្ឋ និងយកចិតទុកដាក់ ផ្ដល់ភាពងាយស្រួលផងដែរ នៅពេលខាងមុខ​។

ក្រោយការសំណេះសំណាល លោក ជា ពិសី ក៏បានផ្ដល់នូវថវិកាជូនចាស់ជរា ចំនួន៤៥នាក់ ស្មើនឹង៤០ម៉ឺនរៀល ផងដែរ៕