(កំពង់ធំ)៖ ក្នុងទិវានៃសេចក្តីស្រឡាញ់ រសៀលថ្ងៃទី១៤ ខែកុម្ភៈ ឆ្នាំ២០១៧ លោក សុខ លូ អភិបាលខេត្តកំពង់ធំ បានដឹក នាំកិច្ចប្រជុំក្រុមអ្នកសារព័ត៌មានក្នុងខេត្ត  ដែលមានការចូលរួមពី មន្ទីរព័ត៌មានខេត្ត ភ្នាក់ងារព័ត៌មានទំាងអស់ នៅក្នុងខេត្ត សរុបប្រមាណ៣០នាក់។

នាឱកាសនោះដែរ លោក សុខ លូ បានឡើងថា សូមអ្នកសារព័ត៌មានទំាងអស់មុននឹងផ្សព្វផ្សាយព័ត៌មាន ដែលមិនច្បាស់​ត្រូវ សួរអ្នកនាំពាក្យរបស់សាលាខេត្ត។ សូមអ្នកសារព័ត៌មាន ត្រូវរក្សាឆន្ទៈរបស់ខ្លួន រក្សាភាពថ្លៃថ្នូរ មុននឹង​ផ្សាយព័ត៌មាន​គួរតែសួរ មករដ្ឋបាលខេត្តមុនជាការល្អ។ អ្នកសារព័ត៌មាន គឺដាច់ខាតត្រូវមានការថ្លឹងថ្លែង ឲ្យបានច្បាស់​លាស់ មុននឹងចុះផ្សាយព័ត៌មាន អ្នកសាព័ត៌មានត្រូវ ចុះបញ្ជីឲ្យបានគ្រប់គ្នានៅមន្ទីរព័ត៌មានខេត្ត រាល់ការផ្លាស់ប្តូរ​ទីកន្លែងបម្រើការងារ ត្រូវផ្តល់ព័ត៌មាន ដល់មន្ទីរព័ត៌មានខេត្ត ដើម្បី ងាយស្រួលក្នុងគ្រប់គ្រងព័ត៌មាន​ឲ្យបានត្រឹមត្រូវ។

លោកបានថ្លែងថា «ចំពោះអ្នកសារព័ត៌មាន ត្រូវសិក្សាឲ្យច្បាស់ ស៊ីជម្រៅ អនុវត្តតាមច្បាប់ព័ត៌មាន យកទៅអាន ឲ្យបាន​យល់​ពីច្បាប់ព័ត៌មាន។ អ្នកសារព័ត៌មានត្រូវចេះសួរនាំអ្នកនាំពាក្យរបស់រដ្ឋបាលខេត្ត ដើម្បីព័ត៌មានមាន​តម្លាភាពជៀសវាង​កុំឲ្យមានប៉ះពាល់រវាង អ្នកសារព័ត៌មាន និងរដ្ឋបាលខេត្ត។ រាល់បណ្តាព័ត៌មានផ្សេង​សូមសួរ​មកអ្នក​នាំពាក្យ និងក៏មក​អភិបាល​ខេត្ត ដើម្បីផ្តល់ព័ត៌មាន ព្រោះអ្នកសារព័ត៌មានជាផ្នែកមួយរបស់អ្នកសារព័ត៌មាន សូមឲ្យអ្នកសារព័ត៌មាន​ត្រូវយល់ពីបញ្ហានេះ»

លោកបានបន្តថា «អ្នកសារព័ត៌ត្រូវស្វែងរកព័ត៌មាន មិនត្រូវព័ត៌មានរត់រកយើងទេ។ ពេលខ្លះទៅយកព័ត៌មាន​អត់បានសួរទៀត អត់សួរ អ្នកកាន់ កម្មវិធីអត់ ស្វែងយល់ឲ្យស៊ីជម្រៅ។ ក្នុងនោះដែរអ្នកសារព័ត៌មាន បានសំណូម​ពរ ដល់រដ្ឋបាលសាលាខេត្តជួយផ្តល់ដំណឹងរាល់ កិច្ចប្រជុំរបស់រដ្ឋបាលខេត្តឲ្យបានដឹង និងជួយធ្វើការជួយឆ្លើយ​បំភ្លឺនូវរាល់​បញ្ហាមុនធ្វើការចុះផ្សាយជាមួយពាក់ព័ន្ធសមត្ថកិច្ចក្នុងខេត្ត ព្រោះអ្នកសារព័ត៌នេះហើយ​ជាកញ្ចក់ឆ្លុះ​ដើម្បីស្ថាបនា»