(ភ្នំពេញ)៖ ក្រោយទទួលបានការជួយអន្តរាគមន៍ពីសំណាក់ លោកទេសរដ្ឋមន្រ្តី ជា សុផារ៉ា រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ រួចមក លោក កៅ ម៉ាធីឡែន ប្រធានមន្ទីររៀបចំដែនដីខេត្តក្រចេះ បានចេញមុខថ្លែង​អំណរគុណចំពោះ លោកទេសរដ្ឋមន្រ្តី ដែលបានផ្ដល់សំណងដល់គ្រួសារជនរងគ្រោះ ក្រោយជួបគ្រោះថ្នាក់ចរាចរណ៍ បង្កឡើងដោយមន្រ្តីសុរិយោដីខេត្តក្រចេះ។ នេះបើយោងតាមលិខិតមួយ ដែលប្រធានមន្ទីរខាងលើ ផ្ញើជូន លោក ជា សុផារ៉ា។

ជនរងគ្រោះដែលលើកឡើងខាងលើមានឈ្មោះ សម សុគន្ធធីតា បានស្លាប់ដោយសារគ្រោះថ្នាក់ចរាចរណ៍ នៅមុខវិទ្យាល័យ​​ព្រះកុសមៈ ខេត្តក្រចេះ កាលពីថ្ងៃទី២៨ ខែធ្នូ ឆ្នាំ២០១៦។

បើតាមការបញ្ជាក់ឲ្យដឹងនៅលើ Facebook របស់សាច់ញាតិក្មេងស្រីរងគ្រោះ បានឲ្យដឹងនៅថ្ងៃទី០៦ ខែកុម្ភៈ ឆ្នាំ២០១៧ថា មានស្រ្តីមេម៉ាយម្នាក់ បានចេញមុខសុំឲ្យលោកទេសរដ្ឋមន្រ្តី ជា សុផារ៉ា ជួយអន្តរាគមន៍រកយុត្តិធម៌ឲ្យជនរងគ្រោះផង ក្រោយមន្រ្តីសុរិយោដីខេត្តក្រចេះម្នាក់ បានបើកឡានបុកកូនស្រីរបស់ខ្លួន ស្លាប់បាត់បង់ជីវិត ហើយមិនទទួលខុសត្រូវ។

ក្រោយដឹងព័ត៌មាននេះហើយ លោកទេសរដ្ឋមន្រ្តីបានចេញអន្តរាគមន៍ភ្លាមៗ ដោយបានធ្វើការសម្របសម្រួល និងផ្ដល់​សំណង​ដល់គ្រួសារជនរងគ្រោះយ៉ាងសមរម ជំនួសមន្រ្តីសុរិយោខាងលើ។

ខាងក្រោមនេះ ជាលិខិតថ្លែងអំណរគុណរបស់មន្ទីររៀបចំដែនដីខេត្តក្រចេះ ជូនចំពោះ លោកទេសរដ្ឋមន្រ្តី ជា សុផារ៉ា៖