(ស្វាយរៀង)៖ ឃ្លាំងស្តុកឈើដ៏ធំមួយនៅស្រុករំដួល ខេត្តស្វាយរៀង ដែលគេស្តុកសំរាប់នាំចេញទៅប្រទេសវៀតណាម ពេលយប់ៗជ្រកក្រោមផ្លាកដេប៉ូលក់ឈើប្រើប្រាស់ក្នុងស្រុក ត្រូវបានគណៈកម្មការទប់ស្កាត់ និងបង្ក្រាបបទល្មើស ធនធានធម្មជាតិរបស់កងរាជអាវុធហត្ថលើផ្ទៃប្រទេស ចុះឆែកឆេរនៅព្រឹកថ្ងៃនេះ។
ឃ្លាំងស្តុកឈើជ្រកក្រោមផ្លាកដេប៉ូលក់ឈើរបស់ ឈ្មោះ សាយ ដែលគេដឹងថា មានតួនាទីជាមន្ត្រីអាវុធហត្ថដែរនេះ រហូតមកដល់រសៀលថ្ងៃនេះ គេនៅមិនទាន់ដឹងថាឈើដែលស្តុកនៅក្នុងឃ្លាំង និងក្នុងដេប៉ូចំនួន២កន្លែងនោះមាន ច្បាប់ប៉ុន្មាន? អត់ច្បាប់ប៉ុន្មាននៅឡើយនោះទេ? តែបើតាមប្រភពបានឲ្យដឹងថា សំរាប់ឈើទាំងអស់នោះអាចមាន ច្បាប់សំរាប់លក់ប្រើប្រាស់នៅក្នុងស្រុកខ្លះ តែគេយកទៅស្តុកទុកនៅទីនោះ សំរាប់នាំចេញទៅប្រទេសវៀតណាមប៉ុណ្ណោះ៕
