(ភ្នំពេញ)៖ លោក អេង ខេង​ដែលទទួលបានការឧបត្ថម្ភថវិកា ពីក្រុមហ៊ុន ខ្មែរ​ប៊ែវើរីជីស លីមីតធីត សម្រាប់ការវះកាត់ជំងឺមហារីកមាត់ នៅប្រទេសអូស្រ្តាលី​​ នឹងចាប់ផ្ដើមធ្វើដំណើរ នៅថ្ងៃទី២៣​ ខែកុម្ភៈ ខាងមុខនេះ ដោយមានការអមដំណើរពីវេជ្ជបណ្ឌិត។ ​​

ស្ថាបនិកសមាគមន៍ចក្ខុកម្ពុជាអន្តរជាតិ លោកវេជ្ជបណ្ឌិត ង៉ូវ ស្រ៊ុន​ដែលស្វែងរកមូលនិធិ​ដើម្បីព្យាបាលលោក​អេង ខេង បានថ្លែងថា «​ក្រៅពីលោកអេង​ ខេង យើងក៏បានយកប្អូនស្រីថ្លៃរបស់លោកអេង ខេង​ទៅអូស្រ្តាលីជាមួយដែរ​ ដើម្បីឲ្យជួយមើលថែអ្នកជំងឺ។

លោកបន្ដថា «សម្រាប់ដំណើរការបញ្ជូនអ្នកជំងឺ​ទៅអូស្រ្តាលី គឺអ្នកជំងឺត្រូវធ្វើដំណើរ ដោយមានការអមដោយគ្រូពេទ្យជំនាញ ពីអូស្រ្តាលី​​ដែលនឹងធ្វើដណើរមកកម្ពុជា ដើម្បីទទួលលោកអេង ខេង​ទៅពិនិត្យព្យាបាលនៅអូស្រ្តាលី»។

ទន្ទឹមនឹងនោះក្រុមហ៊ុន​ខ្មែរ​ប៊ែវើរីជីស ក្រៅពីឧបត្ថម្ភការវះកាត់មហារីកមាត់ដល់លោក អេង ខេង ក្រុមហ៊ុនក៏បាន ជូនពរឲ្យដំណើរការវះ កាត់ប្រកបដោយ ជោគជ័យផងដែរ៕