(កំពង់ចាម​)៖​ ក្រុមការងារថ្នាក់កណ្ដាលថ្នាក់ខេត្ត​ និងថ្នាក់ស្រុកចុះជួយឃុំបឹងណាយស្រុកព្រៃឈរ ដឹកនាំដោយ លោក វ៉េង សុធី​ ប្រធានក្រុមការងារថ្នាក់កណ្ដាល លោកស្រី តោ ពិឡា ទីប្រឹក្សាស​ម្តេចក្រឡាហោម​​ បានអញ្ជើញជួបសំណេះសំណាលជាមួយប្រជាពលរដ្ឋ និងក្រុមគ្រួសារដែលទើបសំរាលកូនថ្មីៗ និងធ្វើការជួសជុលផ្លូវលំ​​ ទៅជាផ្លូវគ្រួស​ ប្រវែងជាង២០០០ម៉ែត្រ ស្ថិតនៅក្នុងឃុំបឹងណាយស្រុកព្រៃឈរ​ ខេត្តកំពង់ចាមនា ថ្ងៃទី២៩​-៣០ ខែមករា​ ឆ្នាំ២០១៧។

នៅក្នុងមតិសំណេះសំណាលជាមួយប្រជាពលរដ្ឋ លោក​ វ៉េង សុធី​ ប្រធានក្រុមការងារ និងលោកស្រី​ តោ ពិឡា អនុ​ប្រធានក្រុមការងារថ្នាក់កណ្ដាល បានលើកឡើងថា ក្រុមការងារថ្នាក់កណ្ដាលរួមជា មួយថ្នាក់ខេត្ត ថ្នាក់ស្រុក តែងតែស្ថិតនៅ​ជិតប្រជាពលរដ្ឋជានិច្ច ដើម្បីបានស្វែងយល់ពីទុក្ខលំបាករបស់ ប្រជាពលរដ្ឋដែលងាយរងគ្រោះ និងរួមចំណែកក្នុងការអភិវឌ្ឍន៍មូលដ្ឋានផងដែរ និងតាមរយៈមូលនិធិរបស់ លោក ប៉ាន់ សូរ​ស័ក្ដិ ប្រធានចុះជួយស្រុកព្រៃឈរខេត្តកំពង់ចាម។

ជាក់ស្ដែងនៅថ្ងៃនេះក្រុមការងារថ្នាក់កណ្ដាលរួមជា មួយថ្នាក់ខេត្ត ថ្នាក់ស្រុក បាននាំយកថវិកាចំនួន១០០០ដុល្លារ​ ប្រគេន​ព្រះសង្ឃ គង់ចាំព្រះវស្សាវត្តទួ​លសិលា ហៅវត្តឈើបាក់ជាតម្ល ស៊ីម៉ង់ ដែលព្រះសង្ឃបានបិណ្ឌបាត ដើម្បីយកទៅ កសាងព្រះវិហាបន្ត។ ទន្ទឹមនិងកិច្ចអភិវឌ្ឍន៍នៅក្នុងមូលដ្ឋាន ក្រុមការងារចូលរួមបដិភាគជាមួយមូលនិធិឃុំ ក្នុងសកម្មភាពស្ដារកែលំអផ្លូវលំចំនួន៣ខ្សែ ដែលមានបណ្តោ​យ​ដោយជាង២០០០ម៉ែត្រ ដែ​លត្រូវចាក់ដីគ្រួស​ចំនួន១៥០ឡាន។

សូមបញ្ជាក់ថា ជា​ការពិត ​ក្រុមការងារតែងតែបាន​គិតគូរពីសុខទុក្ខ របស់ប្រជាពលរដ្ឋ ក្នុងនោះស្ត្រីទើបនឹងសម្រាល​កូន នៅក្នុង​ចំនួន១០នាក់ម្នាក់ៗ ទទួលបានប្រាក់ឧបត្ថមពីក្រុមការងារ ចំនួន១០ម៉ឺនរៀល និងសំភារ:មួយចំនួន និងបានឧបត្ថមអ្នកជម្ងឺសសៃប្រាសាទ និងចាស់ជរា​២នាក់ម្នាក់​ៗ​ ១០ម៉ឺនរៀលសំភារ:មួយចំនួន។

ឆ្លៀតក្នុងឱកាសនេះដែរ ក្រុមការងារ ក៏បានចូលរួមឧបត្ថមបច្ច័យ ក្នុងពិធីបុណ្យដាលាន​ភូមិឈូកស និងភូមិតាអុក ១ភូមិ​ផ្តល់ថវិកា ២០ម៉ឺនរៀល ព្រះសង្ឃ​ យាយជី តាជី​ ៤០នាក់​ ចំនួន ២ម៉ឺនរៀល ពិធីបុណ្យនេះប្រជាពលរដ្ឋតែងតែប្រារព្ធ​ឡើងជារៀងរាល់ឆ្នាំ ក្រោយពីប្រមូលផលស្រូវរួចរាល់។

សូមបញ្ជាក់នាព្រឹកថ្ងៃទី៣០ ខែមករានេះ​ក្រុមការងារ​ថ្នាក់កណ្តាល ​បានអញ្ជើញ​សំណេះសំណាល​ជាមួយប្រជាពលរដ្ឋ ជូនចាស់ៗម្នាក់ៗ ទទួលបានថវិកា​១៥០០០រៀល ​ឧបត្ថម្ភដីជួសជុលផ្លូវលំភូមិឈូកសរ ៥ឡាន​ចែកប្រេងកូឡាសញ្ញា​គណបក្សប្រជាជនកម្ពុជា ដល់ប្រជាពលរដ្ឋ៤៩២នាក់ ក្នុងម្នាក់១ប្រអប់ផងដែរ៕