(ឧត្តរមានជ័យ)៖ បើតាមការឲ្យដឹងពីមន្ត្រីច្រកទ្វារ ជប់គគី ថា​រសៀលថ្ងៃទី២៥ ខែមករា ឆ្នាំ២០១៧នេះ អាជ្ញាធរថៃ​បានធ្វើការបញ្ជូន និងដោះលែងពលរដ្ឋខែ្មរចំនួន២៤នាក់ ឲ្យមានសេរីភាពវិញ ក្រោយជាប់ពន្ធនាគារម្នាក់ៗ ជាង១០ឆ្នាំ ពីបទលួចឆ្លងដែនខុសច្បាប់ និង​ជួញដូរគ្រឿងញៀនឆ្លងដែន​ ​ប្រភេទ​មេតំហ្វេតាមីន WY ជាង២០០គ្រាប់ ខ្លះជាង៥,០០០គ្រាប់។

សមត្ថកិច្ចបន្តថា ក្រោយពីសមត្ថកិច្ចថៃ ដោះលែងសមត្ថកិច្ចកម្ពុជា បានធ្វើការអប់រំពីបញ្ហាគ្រឿងញៀន ហើយត្រូវជៀសឲ្យផុត ព្រោះគ្រឿងញៀនវាបំផ្លាញខ្លួនឯង និងអានាគត​បានយ៉ាងឆាប់រហ័ស​។

បើតាមការអះអាងពីពលរដ្ឋ ក្នុងចំណោមពលរដ្ឋចំនូន២៤នាក់ បានឲ្យដឹងថា ពួកគាត់ហេតុតែមានជីវភាពខ្វះខាត់យ៉ាងខ្លាំង រហូតបានសម្រេចចិត្តទិញគ្រឿងញៀន ខ្លះត្រូវបានគេជួលកាន់គ្រឿងញៀន ពីប្រទេសកម្ពុជា យកទៅជួញដូរ​ នៅក្នុងទឹកដីថៃ តែគ្មានសំណាងត្រូវបានសមត្ថកិច្ច អាជ្ញាធរថៃចាប់បានរហូតជាប់ពន្ធនាគារម្នាក់ជាង១០ឆ្នាំឯណោះ។

សូមបញ្ជាក់ថា ពលរដ្ឋទាំង២៤នាក់ខាងលើនេះ រស់នៅខេត្តឧត្តរមានជ័យ ខេត្តបន្ទាយមានជ័យ ខេត្តកំពង់ធំ ខេត្តបាត់ដំបង៕