(បន្ទាយមានជ័យ)៖ លោក លេង វី អនុរដ្ឋលេខាធិការក្រសួងមហាផ្ទៃ ដាក់វិធានការដល់ខេត្ត ត្រូវលុបបំបាត់ និងមានវិធានការចំពោះប៉ុស្តិ៍ និងកុងត្រូលជជុះទាលុយពីប្រជាពលរដ្ឋដឹកកសិផល ដែលនាំចេញទៅលក់ដើម្បី ដោះស្រាយជីវិភាព និងក្រុមគ្រួសារតែប៉ុណ្ណោះ។
ថ្លែងបែបនេះ របស់លោកអនុរដ្ឋលេខាធិការក្រសួងមហាផ្ទៃ បានធ្វើឡើង ក្នុងកិច្ចប្រជុំបិតសន្និបាតបូកសរុបលទ្ធផលការងារឆ្នាំ២០១៦នៅ ថ្ងៃទី២៤ ខែមករា ឆ្នាំ២០១៧នេះ នៅសាលប្រជុំសាលាខេត្តបន្ទាយមានជ័យ។
ក្នុងនោះ លោក សួន បវរ អភិបាលខេត្តបន្ទាយមានជ័យ បានអានរបាយការថា ខេត្តបន្ទាយមានជ័យមាន ក្រុង២ ស្រុក៧ មាន១០សង្កាត់ ៥៥ឃុំ និងភូមិសរុបចំនួន៦៧០ភូមិ ក្នុងនោះភូមិទទួលស្គាល់ដោយក្រសួងមហាផ្ទៃចំនួន៦៥៨ភូមិ (រដ្ឋបាលខេត្តបានទទួលប្រកាស ពីក្រសួងមហាផ្ទៃលើការទទួលស្គាល់នូវភូមិចំនួន២ភូមិ) និងភូមិមិនទាន់ទទួលស្គាល់១២ភូមិ។ ប្រជាពលរដ្ឋមានចំនួន១៨២,៩៥៣គ្រួសារ ប្រជាពលរដ្ឋមានសរុបចំនួន៧៤៦,៥៣៩នាក់ ក្នុងនោះមានស្រី៣៧៦,១១៣នាក់ ប្រជាពលរដ្ឋចំណាក់ស្រុកសរុបចំនួន១១៤,៤២០នាក់ ក្នុងនោះស្រី៥៦,៤៣០នាក់។
លោកបានបន្តថា ខេត្តបន្ទាយមានជ័យវិស័យកសិកម្មឆ្នាំ២០១៦ ការបង្កបង្កើនផលស្រូវរដូវវស្សា បានសម្រេចចំនួន២៤៧,០១៥ហិតា ស្មើនិង១០០.៨២ភាគរយ នៃផែនការការដាំដុះស្រូវប្រាំងអនុវត្តបាន២១,៧៦៤ហិតា ស្មើនិង១២១,៧៩ហិតា នៃផែនការនាំចេញផលិតផលស្រូវអង្ក អាចមានបរិមាណច្រើនជាងឆ្នាំ២០១៥។ រីឯដំណាំរួមផ្សំផ្សេងៗដាំដុះបាន១,៨៣៨ហិតា ដំណាំឧស្សាហកម្ម៨៨,៣៥០ហិតា ក្នុងនោះដំឡូងមី៨៥,២៥១ហិតា ពោតក្រហម២,៥៨១ហិតា និងកៅស៊ូ១៥ហិតា។
ជាមួយគ្នានោះ លោក លេង វី អនុរដ្ឋលេខាធិការក្រសួងមហាផ្ទៃ បានលើកឡើថា សន្និបាតបូកសរុបលទ្ធផលការងារប្រចាំឆ្នាំ២០១៦ និងលើកទិសដៅការងារឆ្នាំ២០១៧នេះ ក្នុងខេត្តបន្ទាយមានជ័យលើវិស័យកសិកម្ម គឺទិទ្នផលដែលប្រមូលបានល្អប្រសើរជាងឆ្នាំ២០១៥ តែជួបបញ្ហាខ្លះទីផ្សារស្រូវ នៅដើមរដូវតំលៃទាប ទោះជាយ៉ាងណាក៏ដោយ រាជរដ្ឋាភិបាលកម្ពុជាក្រោមការដឹកនាំសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានដោះស្រាយ និងរកទីផ្សាជូនប្រជាកសិករបានទាន់ពេលវេលា៕
