(ភ្នំពេញ)៖ យោងតាមរបាយការណ៍របស់ធនាគារជាតិកម្ពុជា បានឲ្យដឹងថា ទុនវិនិយោគពីបរទេសមកកាន់កម្ពុជាក្នុងឆ្នាំ២០១៦កន្លងទៅនេះ មានចំនួន ២,១៥៥លានដុល្លារ ហើយប្រទេសជាប្រទេសដាក់ទុនវិនិយោគនៅកម្ពុជាច្រើនជាងគេ។
យោងតាមរបាយការណ៍លំហូរទុនវិនិយោគផ្ទាល់ពីបរទេស ដែលអង្គភាពព័ត៌មាន Fresh News ទទួលបាននៅថ្ងៃទី២៣ ខែមករា ឆ្នាំ២០១៧នេះ បានឲ្យដឹងថា ចិនហុងកុង និងចិនដីគោក បានវិនិយោគនៅកម្ពុជាសរុប ៧៤៨លានដុល្លារ ខណៈដែលប្រទេសវៀតណាម ស្ថិតបន្ទាប់ពីចិនមាន ១៩២លានដុល្លារ។
កំណត់ចំណាំអក្សរកាត់នៅក្នុងតារាង៖ ក=កសិកម្ម ខ=ប្រតិបត្តិការអាជីវកម្មធនធានរ៉ែ គ=កម្មន្តសាល ឃ=ហិរញ្ញវត្ថុ ង=សកម្មភាពស្នាក់នៅ និងអាហារ ច=ព័ត៌មានវិទ្យា និងទូរគមនាគមន៍ ឆ=សំណង់ ជ=អគ្គិសនី ឈ=អចលនទ្រព្យ ញ=ផ្សេងៗ៕
