(កំពង់ឆ្នាំង)៖ លោក ឈួរ ចន្ទឌឿន អភិបាលខេត្តកំពង់ឆ្នាំង បានចាត់ឲ្យមន្ដ្រីជំនាញយកក្មេង២នាក់បងប្អូន ដែលកំព្រាឪពុក ហើយម្ដាយទៅធ្វើការនៅប្រទេសថៃ ដោយរស់នៅជាមួយដូនចាស់ក្រលំបាក នៅភូមិទឹកចេញ ឃុំជើងគ្រាងវ ស្រុករលាប្អៀរ យកទៅចិញ្ចឹមនៅមណ្ឌលកុមារកំព្រាខេត្ត ដើម្បីទទួលបានការថែទាំងគ្រប់យ៉ាង ពិសេសឲ្យក្មេងទាំង២នេះ បានសិក្សារៀនសូត្រ។

តាមលិខិតរបស់ អ្នកនាំពាក្យសាលាខេត្តកំពង់ឆ្នាំង ដែលអង្គភាព Fresh News ទទួលបាននៅព្រឹកថ្ងៃទី២០ ខែមករា ឆ្នាំ២០១៧នេះ បញ្ជាក់ថា «​លោកអភិបាលខេត្ត មិនអាច​រក្សាទុកក្មេងទាំង២នោះ ឲ្យរស់នៅក្នុងស្ថានភាពដូចបច្ចុប្បន្ននោះទេ បើទោះបីមានសប្បុរសជនផ្ដល់អំណោយមួយចំនួនក៏ដោយ ជូនកាលអំណោយទាំងនេះ អាចដល់កុមារតិចតួចប៉ុណ្ណោះក៏ថាបាន»។

ជាមួយគ្នានោះ អ្នកនាំពាក្យសាលាខេត្តកំពង់ឆ្នាំង បានឲ្យដឹងថា បើទោះបីអភិបាលខេត្ត ចាត់ឲ្យមន្ដ្រីជំនាញទៅយកក្មេងនោះក៏ ប៉ុន្ដែដូនចាស់ដែលមើលថែក្មេងនោះ​និយាយថា «ចាំគិតសិន»។

ខាងក្រោមនេះ ជាលិខិតរបស់សាលាខេត្តកំពង់ឆ្នាំង ដែលមានខ្លឹមសារទាំងស្រុង៖