(ភ្នំពេញ)​៖ ​លោក​ ប៊ុន​ ហុន​ ប្រធាន​គណៈមេធាវី​ពីរ​អាណត្តិ​ជាប់​គ្នា​ នឹង​ត្រូវ​ផ្ទេរ​តំណែង​ជូន​លោក​ សួន​ វិសាល​ ប្រធាន​គណៈមេធាវី​អាណត្តិ​ទី​១១​ នៅ​រសៀល​ថ្ងៃ​ទី​១៩​ ខែមករា​​ ឆ្នាំ២០១៧នេះ​ ។

សេចក្ដី​ប្រកាស​ព័ត៌មាន​របស់​គណៈមេធាវី​ បង្ហាញ​ថា​ ពិធី​នេះ​នឹង​ធ្វើឡើង​នៅ​សណ្ឋាគារ​សូហ្វីតែល​ ភូកេត្រា​ ក្រោម​អធិបតីភាព​លោក​បណ្ឌិត​សភាចារ្យ​ សុខ​ អាន​ ឧបនាយករដ្ឋមន្ត្រី​ រដ្ឋមន្ត្រី​ទទួល​បន្ទុក​ទីស្ដីការ​គណៈរដ្ឋមន្ត្រី​។​

ក្នុង​ពិធី​នេះ​ក៏​មាន​ការ​ចែក​វិញ្ញាបនបត្រ​សម្បទា​ខាង​វិជ្ជាជីវៈ​មេធាវី​ ដល់​សិស្ស​មេធាវី​ជំនាន់​ទី​១៣​ និង​ទី​១៤​ និង​ចែក​វិញ្ញាបនបត្រ​វិក្រឹត្យការ​វិជ្ជាជីវៈ​មេធាវី​សម្រាប់​មេធាវី​ចូល​តាម​មាត្រា​៣២​ ច្បាប់​ស្តីពី​លក្ខន្តិកៈ​មេធាវី​៕