(ព្រៃវែង)៖ លោក នេត វន្ថា ប្រធានក្រុមការងារចុះជួយឃុំថ្មពូន ស្រុកកញ្ជ្រៀច ខេត្តព្រៃវែង នៅថ្ងៃទី១៤ ខែមករា ឆ្នាំ២០១៦នេះ បានបើកសន្និបាទបូកសរុបវាយតម្លៃសមិទ្ធផល និងបញ្ហាប្រឈម ក្នុងការអនុវត្តកម្មវិធីនយោបាយអភិវឌ្ឍន៍ឃុំ-សង្កាត់ អាណត្តិទី៣ ឆ្នាំ២០១២-២០១៧ នៅមូលដ្ឋានឃុំថ្មពូ ខេត្តព្រៃវែង។
សន្និបាទនេះ ក៏មានវត្តមានចូលរួមពី លោក បិន ជីវ័ន្តគណៈកម្មាធិការបក្សស្រុកកញ្ជ្រៀច, លោក ចែ ខុម គណៈកម្មធិការអចិន្រ្តៃយ៍បក្សស្រុកកញ្ចៀច និងសមាជិក-សមាជិកាចំនួន ៥៣៨នាក់ ដោយក្នុងឱកាសនោះ លោក នេត វន្ថា ក៏បានចាត់ចែងដោះស្រាយរាល់បញ្ហា ដែលសមាជិកបក្សបានលើកឡើងផងដែរ។
ក្រោយពីសំណេះសំណាលជាមួយសមាជិកបក្ស រួចហើយ ថ្នាក់ដឹកនាំខាងលើ ក៏បានចែកជូននូវថវិកា ដល់សមាជិកដែលមានវត្តមាននាឱកាលនោះ ក្នុងម្នាក់ៗទទួលបានថវិកា ១០,០០០រៀល៕
