(ពោធិ៍សាត់)៖ លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងលោក ម៉ៅ ធនិន អភិបាលខេត្តពោធិ៍សាត់ នាព្រឹកថ្ងៃទី១២ ខែមករា ឆ្នាំ២០១៧នេះ បានជួបពិភាក្សាគ្នា ដើម្បីរៀបចំយន្តការរកដោះស្រាយផលប៉ះពាល់ ជាមួយប្រជាពលរដ្ឋ ៣គ្រួសារ ដែលរស់នៅក្នុងបរិវេណដី នៃមន្ទីរវប្បធម៌ និងវិចិត្រសិល្បៈខេត្តពោធិ៍សាត់។
ថ្នាក់ដឹកនាំទាំង២ បានរកដំណោះស្រាយ សម្របសម្រួលបញ្ហាផ្ទៃក្នុង និងការងារមួយចំនួន ក្នុងមន្ទីរវប្បធម៌ និងវិចិត្រសិល្បៈផងដែរ។ ការងារមួយចំនួនក្នុងមន្ទីរវប្បធម៌ និងវិចិត្រសិល្បៈនោះរួមមាន ល្អាង១២ ស្រុកវាលវែង, ទួលពោធិ៍ជ្រៃ ស្រុកកណ្តៀង, ផ្នូរបូរាណ ស្រុកក្រគរ...។
បន្ទាប់ពីបញ្ចប់ពិភាក្សានោះរួចមក លោកអភិបាលខេត្ត បានបន្តដោះស្រាយបញ្ហាប្រឈមមួយចំនួនទៅតាមសំណូមពរ ដែលជាក្តីកង្វល់របស់បងប្អូនប្រជាពលរដ្ឋ នៅសាលាខេត្តពោធិ៍សាត់ ៕
