(ភ្នំពេញ)៖ តាមរបាយការណ៍ ក្រសួងការបរទេស និងសហប្រតិបត្តិការអន្តរជាតិ បានចេញផ្សាយ នៅព្រឹកថ្ងៃទី១១ ខែមករា ឆ្នាំ២០១៧នេះ ឲ្យដឹងថា នៅក្នុងឆ្នាំ២០១៦ ក្រសួងបានជួយសម្រួលដល់ការបញ្ជូនពលករ-ពលការីកម្ពុជា ទៅធ្វើការនៅប្រទេសកូរ៉េ បានជាង៥ម៉ឺននាក់ ចាប់ពីឆ្នាំ២០០៧ ដល់ឆ្នាំ២០១៦ ។
ក្នុងរបាយការណ៍បានបញ្ជាក់ថា ក្រសួងការបរទេស បានជួយសម្រួល ក្នុងការបញ្ជូនពលករ-ពលការីកម្ពុជា ទៅធ្វើការនៅប្រទេសកូរ៉េ មានសរុបចំនួន «៥០,២៨១នាក់» ចាប់ពីឆ្នាំ២០០៧ ដល់ថ្ងៃទី២ ខែធ្នូ ឆ្នាំ២០១៦ ។
ក្នុងរបាយការណ៍ដដែលបានបញ្ជាក់ទៀតថា ស្ថានឯកអគ្គរាជទូតកម្ពុជាប្រចាំនៅប្រទេសកូរ៉េ ក៏បានផ្ដល់សេវាពន្យារសុពលភាព លិខិតឆ្លងដែន និងសេវាកុងស៊ុលផ្សេងៗទៀត ជូនពលករនិងពលរដ្ឋខ្មែរ ដោយឥតគិតថ្លៃ និងទាមទារប្រាក់ធានារ៉ាប់រង ជូនពលករ-ពលការិរី ដែលរងរបួស ឫបាត់បង់ជីវិត ដោយសារគ្រោះថ្នាក់ការងារផងដែរ៕
