(ពោធិ៍សាត់)៖ កម្លាំងកាំកុងត្រូលខេត្តពោធិ៍សាត់ សហការជាមួយមន្ទីរពាណិជ្ជកម្ម និងអាជ្ញាធរដែនដី នៅព្រឹកថ្ងៃទី០៩ ខែមករា ឆ្នាំ២០១៧នេះ ចុះត្រួតពិនិត្យគុណភាពផលិតផល ម្ហូបអាហារ នៅផ្សារមេទឹក ឃុំមេទឹក និងផ្សារត្រពាំងជង ឃុំត្រពាំងជង ស្រុកបាកាន ខេត្តពោធិ៍សាត់។
ប្រតិបត្តិការនេះ កម្លាំងមន្រ្តីកាំកុងត្រូល បានរឹបអូសផលិតផលខូចគុណភាព និងហួសកាលបច្ឆេទប្រើប្រាស់មួយចំនួន យកមករក្សាទុកនៅសាខាកាំកុងត្រូលខេត្ត ដើម្បីយកទៅកម្ទេចចោល នៅពេលក្រោយ។
មន្រ្តីកាំកុងត្រូលខេត្ត បានឲ្យដឹងថា ក្រុមមន្រ្តីចម្រុះខាងលើ ក៏បានចុះចែក និងបិទផ្ទាំងរូបភាពអប់រំស្តីពី សុវត្ថិភាពម្ហូបអាហារដល់អាជីវករ និងប្រជាពលរដ្ឋ នៅទីនោះផងដែរ៕
