(ភ្នំពេញ)៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅវេលាម៉ោង៨៖៣០នាទីព្រឹកថ្ងៃទី០៩ ខែមករា ឆ្នាំ២០១៧នេះ នឹងទទួលសញ្ញាបត្រ ថ្នាក់បណ្ឌិតកិត្តិយស ផ្នែកអក្សរសាស្ត្រ ពីសាកលវិទ្យាល័យ ក្វំាងស៉ី នៃសាធារណរដ្ឋប្រជាមានិតចិន ក្រោមអធិបតីភាព សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលរៀបចំឡើងនៅសាលសន្និសីទចតុមុខ។

តាមលិខិតកម្មវិធីរបស់ កាកបាទក្រហមកម្ពុជា បានឲ្យដឹងថា លោក Xie Shanggo ប្រធានសាកលវិទ្យាល័យ ក្វាំងស៊ី នឹងប្រគល់សញ្ញាបត្រ ថ្នាក់បណ្ឌិតកិត្តិយស ផ្នែកអក្សរសាស្ត្រ ជូនសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន៕