(ភ្នំពេញ)៖ នៅលើ Facebook Page របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅយប់ថ្ងៃទី០៨ ខែមករានេះបានបញ្ជាក់ថា កម្មវិធី ខ្ញុំជាយុវជនគំរូកម្ពុជា លើកទី ១០ បានរកឃើញម្ចាស់ជយលាភីលេខ១ (Top-1) ហើយ។

Facebook របស់សម្តេចតេជោ បានបញ្ជាក់ទៀតថា៖ «សូមអបអរសាទរ បេក្ខជន ជុំ ពុទ្ធារ៉ា ដែលទទួលបានសម្លេងបោះឆ្នោតគាំទ្រចំនួន (7,546 Likes) លើវិញ្ញាសារ  វីឌីអូ៖  «បន្តស្នាមញញឹមប្រជាជនយើង» នៅក្នុងការប្រកួតប្រជែង ក្នុងកម្មវិធី «ខ្ញុំជាយុវជនគំរូកម្ពុជា» លើកទី ១០ ដែលបាន​​បញ្ចប់​ការបោះឆ្នោតនៅលើ Facebook សម្តេចតេជោ​នាយករដ្ឋមន្ត្រី កាលពីម៉ោង ៦៖០០ ល្ងាចនេះ! »។

ចំពោះបេក្ខជន​ បេក្ខនារី ដែលជាប់ TOP-1 និង TOP-10 ទាំងអស់ នឹងមកទទួលពានរង្វាន់សម្តេចតេជោ នៅវិមានសន្តិភាព នៅពេលឆាប់ៗខាងមុខនេះ។

ដោយឡែកសម្រាប់ ការប្រកួតប្រជែងកសាងអំពើល្អ «ខ្ញុំជាយុវជនគំរូកម្ពុជា» លើកទី ១១ នឹងបើកទទួលពាក្យនៅពេលឆាប់ៗខាងមុខនេះ៕