ប្រទេសទាំង១០ដែលនាំចូលអង្ករពីកម្ពុជាច្រើនជាងគេ នៅឆ្នាំ២០១៦, ចិនលេខ១, បារាំងលេខ២ និងប៉ូឡូញលេខ៣
08-01-2017 06:50
(ភ្នំពេញ)៖ រយៈពេលពេញ១ឆ្នាំ ក្នុងឆ្នាំ២០១៦ ប្រទេសកម្ពុជាបាននាំចេញអង្ករជាង៥៤ម៉ឺនតោន ទៅកាន់ទីផ្សារអន្ដរជាតិ កើតឡើងតិចតួច ត្រឹមតែ០.៧ភាគរយប៉ុណ្ណោះ បើធៀបនឹងឆ្នាំ២០១៥ នេះបើយោងតាមរបាយការណ៍ផ្លូវការ របស់លេខាធិការដ្ឋានច្រកចេញចូលតែមួយសម្រាប់បំពេញបែបបទ នាំចេញអង្ករ។
ខាងក្រោមនេះ ជាបញ្ជីឈ្មោះប្រទេសទាំង១០ ដែលនាំចូលអង្ករ ពីកម្ពុជាច្រើនជាងគេ៖
១៖ ប្រទេសចិន នាំចូលអង្ករពីកម្ពុជា ១២៧,៤៦០តោន។
២៖ ប្រទេសបារាំង នាំចូលអង្ករពីកម្ពុជា ៧៨,៣២៩តោន។
៣៖ ប្រទេសប៉ូឡូញ នាំចូលអង្ករពីកម្ពុជា ៦៤,០៣៥តោន។
៤៖ ប្រទេសម៉ាឡេស៊ី នាំចូលអង្ករពីកម្ពុជា ៣៨,៨៧៧តោន។
៥៖ ប្រទេសហូឡង់ នាំចូលអង្ករពីកម្ពុជា ២៨,៦៩០តោន។
៦៖ ប្រទេសប៊ែលហ្សិក នាំចូលអង្ករពីកម្ពុជា ២២,៨៨៥តោន។
៧៖ ប្រទេសឆែក នាំចូលអង្ករពីកម្ពុជា ២២,៨១៥តោន។
៨៖ ប្រទេសអ៊ីតាលី នាំចូលអង្ករពីកម្ពុជា ១៨,៦១៩តោន។
៩៖ ប្រទេសអង់គ្លេសនាំចូលអង្ករពីកម្ពុជា ១៧,៦៧៣តោន។
១០៖ ប្រទេសអាឡឺម៉ង់ នាំចូលអង្ករពីកម្ពុជា ១៦,៦១៦តោន។
សូមជម្រាបថា មានប្រទេសចំនួន៦៦ នៅលើពិភពលោក បាននាំចូលអង្ករពីកម្ពុជា។ កម្ពុជាត្រូវបានគេស្គាល់ថា ជាប្រទេសដែលផលិតស្រូវលើសប្រមាណ៥លានតោនក្នុងមួយឆ្នាំៗ។ លើសពីនេះ អង្ករកម្ពុជាត្រូវបានទទួលស្គាល់ថា ជាអង្ករឆ្ងាញ់ជាងគេរបស់ពិភពលោក ដោយបានឈ្នះពានរង្វាន់៣ឆ្នាំជាប់ៗគ្នា៕
