(សៀមរាប)៖ ឧបនាយករដ្ឋមន្ដ្រី ទៀ បាញ់ ប្រធានក្រុមការងារថ្នាក់ជាតិចុះជួយខេត្តសៀមរាប នៅព្រឹកថ្ងៃទី០៧ ខែមករា ឆ្នាំ២០១៧នេះ អញ្ជើញជាអធិបតីក្នុងពិធីជួបសំណេះសំណាលជាមួយ កងកម្លាំងប្រដាប់អាវុធ គ្រួសារកម្មាភិបាល និងនិវត្តជន មន្ដ្រីរាជការស៊ីវិល ចំនួន១,៦១៨នាក់ នៅ២កន្លែងផ្សេងគ្នា ក្នុងខេត្តសៀមរាប។ ក្នុងពិធីនេះ ក៏មានការចូលរួមពី លោក ឃឹម ប៊ុនសុង អភិបាលខេត្តសៀមរាប និងថ្នាក់ដឹកក្នុងខេត្ត មួយចំនួនទៀតផងដែរ។
ជាមួយគ្នានោះដែរ និវត្តជនកងកម្លាំងប្រដាប់អាវុធ និងគ្រួសារកម្មាភិបាល យុទ្ធជនមានគុណបំណាច់ ប្រមាណ១,០០០នាក់ ត្រូវបានថ្នាក់ដឹកនាំ ជួបសំណេះសំណាលនៅសាលមហោស្រព រ៉ូសាណាប្រូតវ៉េ និងនិវត្តជន មន្ត្រីរាជការស៊ីវិល ចំនួន៦១៨នាក់ ជួបសំណេះសំណាល នៅក្នុងបរិវេណមន្ទីរគណបក្សប្រជាជនកម្ពុជា ខេត្តសៀមរាប។ ក្រៅពីការជួបសំណេះសំណាល ថ្នាក់ដឹកនាំខេត្តសៀមរាប ក៏ចែកជូនអំណោយ មួយចំនួន ដល់អ្នកចូលរួមទាំងអស់ផងដែរ៕
