(ភ្នំពេញ)៖ របបកម្ពុជាប្រជាធិបតេយ្យ ៣ឆ្នាំ ៨ខែ ២០ថ្ងៃ ចាប់ពីថ្ងៃទី១៧ ខែមេសា ឆ្នាំ១៩៧៥ ដល់ថ្ងៃទី៧ ខែមករា ឆ្នាំ១៩៧៩ ត្រូវបានគេប្រសិទ្ធនាម​ជារបបវាល​ពិឃាតដ៏យង់​ឃ្នងនៅ​ក្នុង​ប្រទេសកម្ពុជា ដោយបានកាប់​សម្លាប់​ប្រជាពលរដ្ឋខ្មែរ សិស្សនិស្សិត បញ្ញាវន្តជិត ៣លាននាក់។ ក្រៅពីការកាប់សម្លាប់ ក៏ដូចជាការស្លាប់​ដោយសារការខ្វះ​ចំណីអាហារ និងបញ្ហាសុខភាពជាដើមនោះ ក៏នៅមានប្រជាពលរដ្ឋខ្មែរ​ជាច្រើនគ្រួសារត្រូវបាន​និរាសព្រាត់ព្រាស់​ពីក្រុមគ្រួសារ និងសាច់ញាតិ បន្សល់នូវក្តី​សង្វេគ​រហូតមកដល់បច្ចុប្បន្ន។

បើទោះបីរបបដ៏យង់ឃ្នងនេះ បានដួលរលំ ៣៨ឆ្នាំទៅហើយក្តី តែក្តីឈឺចាប់របស់​ប្រជាពលរដ្ឋនៅក្នុងរបបមួយនេះ ហាក់នៅថ្មីៗនៅឡើយ។ អ្នកស្រី ឱ មុំ រស់នៅក្នុងភូមិថ្មី សង្កាត់ដង្កោ ខណ្ឌដង្កោ រាជធានីភ្នំពេញ ជាប្រជាពលរដ្ឋខ្មែរ ក្នុងចំណោមពលរដ្ឋខ្មែររាប់លាននាក់ ដែលបានរងគ្រោះក្នុងរបបមួយនេះ។

អ្នកស្រី ឱ មុំ នៅតែចងចាំយ៉ាងច្បាស់នូវជីវិតដ៏សែនខ្លោចផ្សា នៃការនិរាសព្រាត់ប្រាស់។ សូមស្តាប់ការរៀបរាប់របស់អ្នកស្រី ឱ មុំ៕