(ភ្នំពេញ)៖ ថ្មីៗនេះ ប៊ីប៊ីឃ្យូ ឈីកខិន កម្ពុជា(BBQ Chicken Cambodia) មានមុខម្ហូបថ្មី សាច់មាន់ រ៉េដហត ហ្គាលីក ឈីកខិន ( Red Hot Garlic Chicken) ដែលមានរសជាតិហិរ ហិរម៉ាក្តៅអណ្តាតតែម្តង បានភ្លក្សហើយពិតជាជាប់ចិត្តមិនខាន ជាមួយក្លិនដ៏ឈ្ងុយឆ្ងាញ់ ពីទឹកជ្រលក់លាបពីលើ និងរោយដោយសណ្តែកដី បន្ថែមពីលើ ដែលធ្វើឲ្យលោកអ្នកទប់មាត់ មិនបាន ដែលមាននៅគ្រប់សាខា ប៊ីប៊ីឃ្យូឈីកខិន ចាប់ពីថ្ងៃទីនេះតទៅ ។

លោកស្រី ស៊ីន សុធានី អ្នកគ្រប់គ្រងផ្នែកប្រតិបត្តិ នៃ ប៊ីប៊ីឃ្យូ ឈីកខិន កម្ពុជា បានថ្លែងថា «យើងជឿជាក់ថា មុខម្ហូបថ្មី Red Hot Garlic Chicken នឹងជាជម្រើសមួយ​សម្រាប់រដូវកាលនេះ ដែលអតិថិជនកំពុងពេញនិយមជាខ្លាំង ជាមួយរសជាតិហិរ ហើយមុខម្ហូបថ្មីនេះ ត្រូវបានបំពងដោយម្សៅ ជាមួយសាច់មាន់ស្រស់ៗ ដោយប្រើប្រាស់ប្រេងអូលីវសុទ្ធ១០០% សម្រាប់ធ្វើការចម្អិន។ លោកអ្នកនឹងពេញចិត្តចំពោះរសជាតិនៃម្ហូបថ្មីមួយនេះ ពី ប៊ីប៊ីឃ្យូ ឈីកខិន កម្ពុជា»

ក្រោយពីការបម្រើសេវាកម្ម ជូនដល់អតិថិជន ចាប់តាំងពីឆ្នាំ២០០៨ រួចមក ប៊ីប៊ីឃ្យូ ឈីកខិន កម្ពុជា ( BBQ Chicken Cambodia) ដែលជា ភោជនីយដ្ឋានសាច់មាន់បំពង និងបាប៊ីឃ្យូ លំដាប់អន្តរជាតិលេខ១ ដែលត្រូវបានទិញសិទ្ធិផ្តាច់មុខពីប្រទេសកូរ៉េ កំពុងទទួលបានការគាំទ្រ ពីសំណាក់អតិថិជនជាខ្លាំងលើ ឱជារសនៃមុខម្ហូប មានម្ហូបច្រើនមុខ និងមានប្រយោជន៍ដល់សុខភាពក្នុងពេលជាមួយគ្នា។ សាច់មាន់ស្រស់ៗត្រូវបានរៀបចំ សម្រិតសម្រាំងចម្អិនជាមួយប្រេងអូលីវ ១០០% និងគ្រឿងផ្សំសម្ងាត់ បង្កើតឡើងដោយក្រុមអ្នកស្រាវជ្រាវនៅ សាកលវិទ្យាល័យ មាន់ (Chicken University) របស់ក្រុមហ៊ុននៅប្រទេសកូរ៉េ។

គួរបញ្ជាក់ផងដែរថា ប៊ីប៊ីឃ្យូ ឈីកខិន កម្ពុជា មាន៤សាខា នៅរាជធានីភ្នំពេញ និងខេត្តសៀមរាប រួមមាន សាខាបឹងកេងកង សាខាផ្លូវកម្ពុជាក្រោម សាខាផ្សារ​ទំនើបសូរិយា និងសាខាអង្គរត្រេដសេនធ័រ ខេត្តសៀមរាប។ លើសពីនេះទៀត ប៊ីប៊ីឃ្យូ ឈីកខិន កម្ពុជា ត្រូវបានទទួលសិទិ្ធនំាចូល និងចែកចាយ ស្របច្បាប់​សម្រាប់ទីផ្សារកម្ពុជា ដោយក្រុមហ៊ុន អ៊ី អេហ្វ ជី (EFG) ជាបុត្រសម្ព័ន្ធរបស់ក្រុមហ៊ុន អ អិម អេ ខេមបូឌា (RMA Cambodia)។ EFG ក៏ទទួលបានសិទិ្ធនំាចូលនូវផលិតផល និងសេវាកម្មល្បីៗ លើពិភពលោកជាច្រើនទៀត ដូចជា៖ ដឹ ភីហ្សា ខមផេនី ( The Pizza Company ) ខួស្តា កាហ្វេ (Costa Coffee)  ដេរីឃ្វីន (Dairy Queen) ស្វិនសិន កម្ពុជា (Swensen’s Cambodia) និង ហាងនំដូណាត់ គ្រីស្ពីគ្រីម ( Krispy Kreme) ៕