(ភ្នំពេញ)៖ រដ្ឋមន្រ្តីក្រសួងសុខាភិបាល លោកវេជ្ជបណ្ឌិត ម៉ម ប៊ុនហេង សូមផ្ញើសាររំលែកទុក្ខជូនចំពោះលោកស្រី កែវ ស្រង៉ាត់ ដែលគ្រួសាររបស់លោកស្រី គឺលោក​សាស្រ្តាចារ្យ យូ គិមយាន ទីប្រឹក្សារាជរដ្ឋាភិបាល នៃព្រះរាជាណាចក្រកម្ពុជា ទទួលមរណភាពកាលពីយប់ថ្ងៃទី០៤ ខែមករា ឆ្នាំ២០១៧ ក្នុងជន្មាយុ៨៨ឆ្នាំ ដោយរោគា​ពាធ។

រដ្ឋមន្រ្តីក្រសួងសុខាភិបាល បានបញ្ជាក់នៅក្នុងលិខិតរំលែកទុក្ខយ៉ាងដូច្នេះថា៖ «មរណភាពរបស់ ឯកឧត្តម សាស្រ្តាចារ្យ យូ គិមយាន គឹជាការបាត់បង់​បញ្ញាវ័ន្តមួយ​រូប ដែលមានគុណបំណាច់ដ៏ធំធេងលើវិស័យសុខាភិបាល ជាពិសេសក្នុងការជួយសង្គ្រោះ ពិនិត្យ និងព្យាបាលអ្នកជំងឺ ព្រមទាំងការបណ្តុះបណ្តាល​និស្សិត​ឯកទេស​ជាច្រើន​ជំនាន់»៕