(ភ្នំពេញ)៖ លោកសាស្រ្តាចារ្យជាញជ័យ យូ គិមយាន ទីប្រឹក្សារាជរដ្ឋាភិបាល ​ឋានៈស្មើរដ្ឋមន្រ្តី និងជាទីប្រឹក្សាជាន់ខ្ពស់ផ្នែកបច្ចេកទេស នៅមន្ទីរពេទ្យកាល់ម៉ែត នៃក្រសួងសុខាភិបាល បានទទួលមរណភាព នៅវេលាម៉ោង២១៖៥០នាទី ថ្ងៃទី​៤ ខែ​មករា ឆ្នាំ​២០១៧​ ក្នុងជន្មាយុ​៨៨ឆ្នាំ ដោយរោគាពាធ។

លោកស្រី កែវ ស្រង៉ាត់ ដែលត្រូវជាភរិយា លោកសាស្រ្តាចារ្យជាញជ័យ យូ គិមយាន បានឲ្យដឹងថា ​សពត្រូវបានតម្កល់ធ្វើបុណ្យ ទក្ខិណានុប្បទាន នៅវត្តបទុមវតី រាជធានីភ្នំពេញ និងប្រារព្ធបូជា នៅវេលាម៉ោង៩៖០០នាទីព្រឹក ថ្ងៃ​ទី០៧ ខែ​មករា ឆ្នាំ​២០១៧ នៅទីលានសួនច្បារមុខវត្តបទុមវតី។

ព័ត៌មាននេះ ​ចាត់ទុកជាការគោរពអញ្ជើញ សម្តេច ឯកឧត្តម លោកជំទាវ ឧកញ៉ា លោក-លោកស្រី អ្នកនាងកញ្ញា ញាតិមិត្ត ជិតឆ្ងាយនៃសព ចូលរួមមរណទុក្ខដ៏ក្រៀមក្រម តាមកម្មវិធីបុណ្យខាងលើកុំបីអាក់ខាន៕