(សៀមរាប)៖ នារាត្រីនេះការសំដែងសិល្បៈរួមអាស៊ាន-ចិន ក្រោមប្រធានបទ «ការតភ្ជាប់ក្នុងភាពចំរុះគ្នា Connectivity In Diversity» បានចាប់ផ្តើមហើយ។ ដើម្បីរំលឹកខួបអនុស្សាវរិយ៍ លើកទី២៥ នៃទំនាក់ទំនងដៃគូរសន្ទនាអាស៊ាន-ចិន សំដៅធ្វើឲ្យកាន់តែប្រសើរឡើងនូវការយល់ដឹងតាមរយៈវប្បធម៌សិល្បះ និងទេសចរណ៍ និងដើម្បីធ្វើឲ្យទំនាក់ទំនងរវាង ប្រជាជនអាស៊ាន និង ចិនកាន់តែរឹងមាំ និងខិតជិតគ្នា រាជរដ្ឋាភិបាលបានចាត់តាំងបង្កើតក្រុមការងារអន្តរក្រសួង មួយដែលមាន លោក ថោង ខុន រដ្ឋមន្ត្រីក្រសួងទេសចរណ៍ជាប្រធាន និងមានអនុប្រធាន និងសមាជិកមកពីក្រសួង ការបរទេស និងសហប្រតិបតិ្តការណ៍អន្តរជាតិ, ក្រសួងវប្បធម៌និងវិចិត្រសិល្បៈ ស្ថាប័ន អាជ្ញាធរនិងសមត្ថកិច្ច ពាក់ពាន់ចូលរួម។

ក្នុងកម្មវិធី២ថ្ងៃពីថ្ងៃទី២៧-២៨ ខែធ្នូ មានកម្មវីធីសិក្ខាសាលាទស្សនកិច្ច និងកម្មវិធីសំដែងសិល្បះរួមគ្នា ពេលរាត្រីនៅប្រាសាទបាយ័ន ដែលមានការចូលរួម ពិប្រតិភូ និងក្រុមសិល្បៈពីប្រទេសសមាជិកអាស៊ានទាំង១០ និងចិន ចំនួន៣៥០នាក់ (ក្នងនោះក្រុមសិល្បៈរបស់ក្រសួងវប្បធម៌វិចិត្រកម្ពុជាចំនួន១៧០នាក់)។

កម្មវិធីនេះប្រព្រឹត្តិទៅក្រោមអធិបតីភាពលោក ថោង ខុន រដ្ឋមន្ត្រីទេសចរណ៍ និងមានការចូលរួមពីដំណាងក្រសួងការបរទេសចិន មជ្ឈមណ្ឌល ចិន-អាស៊ាន អង្គទូតនៃស្ថានទូត ចិន និង អាស៊ាន ប្រចាំកម្ពុជា លោកអភិបាលខេត្ត ប្រធានក្រុមប្រឺក្សាខេត្ត មន្ត្រីរាជការ និងទេសចរប្រមាណ១៥០០នាក់៕

តំណាងស្ថានទូតចិន និងការសំដងរបស់ក្រុមសិល្បៈចិន

ក្រុមសិល្បៈរបស់ចិន