(ភ្នំពេញ)៖ នៅក្នុងឱកាសបុណ្យចូលឆ្នាំសកលឆ្នាំ២០១៧នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមផ្ញើសារថ្វាយព្រះពរ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល និងជាព្រះប្រធានកិត្តិយសកាកបាទក្រហមកម្ពុជា។

សារលិខិតរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានសរសេរថ្វាយព្រះពរយ៉ាងដូច្នេះថា៖ «ក្នុងឱកាសដ៏ប្រសើរថ្លៃថ្លានេះ ខ្ញុំម្ចាស់ និងសហការី នៃកាកបាទក្រហមកម្ពុជាទាំងអស់ សូមព្រះបរមរាជានុញ្ញាតប្រកបដោយការគោរពសក្ការៈ កោតស្ញប់ស្ញែងជាអតិបរមា ក្នុងការយាងដង្ហែ ព្រះរាជបូនីយកិច្ចប្រវត្តិសាស្រ្តនៃ ព្រះករុណា ព្រះមហាក្សត្រវីរក្សត្រ ព្រះបរមរតនកោដ្ឋ បម្រើឧត្តមប្រយោជន៍ ជាតិ សាសនា និងប្រជានុរាស្រ្តគ្រប់កាលៈទេសៈ។ ដោយគារវភក្តីដ៏ខ្ពង់ខ្ពស់ និងព្រះមហាករុណា ទិគុណយ៉ាងជ្រាលជ្រៅបំផុត ខ្ញុំម្ចាស់សូមប្តេជ្ញាដង្ហែតាម ព្រះរាជវីរៈគំរូដ៏ប្រពៃថ្លៃថ្លា ជាពិសេសព្រះរាជវីរៈគំរូមនុស្សធម៌ និងសប្បុរសធម៌ដ៏ឧត្តុង្គឧត្តម នៃសម្តេចព្រះមហាក្សត្រី ព្រះវររាជមាតាជាតិខ្មែរ ជាព្រះប្រធានកិត្តិយសកាកបាទក្រហមកម្ពុជា ជាទីគោរពសក្ការៈដ៏ ខ្ពង់ខ្ពស់បំផុតជារៀងដរាប។

ខ្ញុំម្ចាស់ ទូលព្រះបង្គំយើងខ្ញុំ សូមលំឱនកាយឧទ្ទិសបួងសួងដល់វត្ថុស័ក្តិសិទ្ធិទាំងអស់ក្នុងលោក ជាអាទិ៍ទេវតារក្សាព្រះមហាស្វេតច្ឆត្រ ដួងព្រះវិញ្ញាណក្ខន្ធ អតីតព្រះមហាក្សត្រ ព្រះមហាក្សត្រិយានីខ្មែរគ្រប់ព្រះអង្គ ពិសេសបំផុតដួងព្រះវិញ្ញាណក្ខន្ធ ព្រះមហាវីរក្សត្រ ព្រះបរមរតនកោដ្ឋ សូមទ្រង់ប្រោសព្រះរាជទាន ព្រះសព្ទសាធុការពរ មហាប្រសើរថ្វាយ សម្តេចម៉ែ ជាអម្ចាស់ សូមព្រះប្រកបដោយព្រះពុទ្ធពរទាំង៤ប្រកាសគឺ អាយុ វណ្ណៈ សុខៈ ពលៈ កុំឃ្លៀងឃ្លាតឡើយ»។

សារលិខិតថ្វាយព្រះពរសម្តេចម៉ែជាអម្ចាស់៖