(ព្រះសីហនុ)៖ ពិតជាគ្រោះថ្នាក់ខ្លាំងណាស់ ដែលអ្នកបើករថយន្តកុងតឺន័រប្រភេទសណ្តោង របស់ក្រុមហ៊ុន MING LIANG ជាមនុស្សញៀនថ្នាំ។
ឧបករណ៍សម្រាប់ជក់ និងវត្ថុតាងមួយចំនួនទៀត ត្រូវបានកម្លាំងអាវុធហត្ថខេត្តព្រះសីហនុ ក្រោមការបញ្ជាផ្ទាល់ពីលោកឧត្តមសេនីយ៍ត្រី ហេង ប៊ុនទី មេបញ្ជាការបានដេញបង្ក្រាបជាក់ស្តែង រហូតកាក់បានរថយន្ត តែជនសង្ស័យបានរត់គេចខ្លួនបាត់ នៅថ្ងៃទី១៦ ខែធ្នូ ឆ្នាំ២០១៦ ស្ថិតនៅភូមិអូតាសេក ឃុំ អូឧកញ៉ាហេង ស្រុកព្រែនប់ ខេត្តព្រះសីហនុ។
មន្រ្តីអាវុធហត្ថបានឲ្យដឹងថា កម្លាំងប្រតិបត្តិការ បានពួនស្ទាក់ចាប់រថយន្ត ដឹកជញ្ជូនចែកចាយគ្រឿងញៀន នៅចំណុចមុខមូលដ្ឋានកងរាជអាវុធហត្ថក្រុង ស្ថិតក្រុម15 ភូមិ1 សង្កាត់1 ក្រុងព្រះសីនុ តែដេញចាប់បាននៅស្រុកព្រៃនប់។
ក្រោយដេញចាប់បាន កម្លាំងអាវុធហត្ថ បានដកហូតបាន រថយន្តដឹកទំនិញវែង (ប្រភេទ កុុងតឺន័រ) ពណ៌ក្រហមពាក់ស្លាក់លេខ ព្រះសីហនុ: 3A-2662 របស់ក្រុមហ៊ុន MING LIANG សណ្តោងរឺម៉ក ពណ៌លឿង ពាក់ស្លាក់លេខ ព្រះសីហនុ: 4A-0500 មួយគ្រឿង ដាវ០១ដើម ដបជក់០១ ចំពាមកៅស៊ូ01 ដែកកេះ០៣ និងសម្ភារៈសម្រាប់ជក់ ព្រមទាំងឯកសារថយន្ត មួយចំនួនទៀត។ រីឯជនសង្ស័យគេចខ្លួនបាត់ ហើយកម្លាំងយើងកំពុងស្រាវជ្រាវបន្ត។
សូមបញ្ជាក់ថា បច្ចុប្បន្នកម្លាំងជំនាញកំពុងអនុវត្តតាមនីតិវិធីច្បាប់៕
