​(កំពត)៖ កម្លាំងនគរបាលអន្តរាគមន៍ឈុតខ្មៅពិសេស សហការគ្នាជាមួយកម្លាំងនគរបាលព្រហ្មទណ្ឌខេត្ត កម្លាំងនគរបាលក្រុង និងមូលដ្ឋាន ចុះឃាត់​ខ្លួនមុខសញ្ញាចែកចាយម្នាក់ នៅវេលាថ្ងៃត្រង់ទី១៦ ខែធ្នូ ឆ្មាំ២០១៦នេះ ចំណុចភូមិសុវណ្ណសាគរ សង្កាត់កំពង់កណ្តាល ក្រុងកំពត ខេត្តកំពត។

លោកវរសេនីយ៍ត្រី លក ញ៉ាវ នាយការិយាល័យនគរបាលព្រហ្មទណ្ឌកម្រិតស្រាលខេត្ត បានឲ្យដឹងថា ជនសង្ស័យ ឈ្មោះ លី គឹមសាន អាយុ២៣ឆ្នាំ រស់នៅក្នុង ភូមិ-សង្កាត់ កន្លែងឃាត់ខ្លួនខាងលើ ដោយក្នុងនោះជំនាញដកហូត គ្រឿងញៀនប្រភេទម៉ាទឹកកក ៣កញ្ចប់ ដែលជនសង្ស័យបាន​បំផ្លាញ​ចោល២កញ្ចប់។

បច្ចុប្បន្ន ជនសង្ស័យ កំពុងឃាត់ខ្លួននៅស្នងការដ្ឋាននគរបាលខេត្ត ដើម្បីកសាងសំណុំរឿង ចាត់ការតាមនីតិវិធី៕