(ភ្នំពេញ)៖ របាយការណ៍បូកសរុបលទ្ធផល បង្ក្រាបបទល្មើសគ្រឿងញៀន ប្រចាំថ្ងៃទី១៣ ខែធ្នូ ឆ្នាំ២០១៦ គិតត្រឹមម៉ោង១៦រសៀល របស់អគ្គស្នងការនគរបាលជាតិបានបញ្ជាក់ថា នៅថ្ងៃម្សិលមិញ កម្លាំងនគរបាលជាតិ បានបង្ក្រាបបទល្មើសជួញដូរ រក្សាទុក និងប្រើប្រាស់១១ករណីឃាត់ខ្លួនមុខសញាជួញដូរ១៣នាក់ មុខសញ្ញាប្រើប្រាស់៧នាក់  ដកហូតថ្នាំមេតំហ្វេតាមីន (ice) ១៩.៩៩ក្រាម និង២កញ្ចប់តូច។

ជនសង្ស័យទាំងនោះ ត្រូវបានឃាត់ខ្លួនដោយ៖ មន្ទីរប្រឆាំងគ្រឿងញៀន បង្ក្រាប២ករណីឃាត់ខ្លួន២នាក់, នគរបាលរាជធានីភ្នំពេញ បង្ក្រាប​១ករណីឃាត់ខ្លួនម្នាក់,នគរបាលខេត្តព្រៃវែង បង្ក្រាប១​​ករណីឃាត់ខ្លួន៦នាក់, នគរបាលខេត្តសៀមរាប បង្ក្រាប១ករណីឃាត់ខ្លួន៤នាក់, នគរបាលខេត្តត្បូងឃ្មុំបង្ក្រាប១ករណីឃាត់​ខ្លួន​​៣នាក់, នគរបាលខេត្តតាកែវ បង្ក្រាប១ករណីឃាត់ខ្លួនម្នាក់ និងនគរបាលខេត្តព្រះសីហនុ​ ​​បង្ក្រាប១ករណីឃាត់ខ្លួន៣នាក់៕