(ភ្នំពេញ)៖ អតីតសិស្សសាលាចតុមុខនឹងរៀបចំកម្មវិធីជួបជុំគ្នា នៅថ្ងៃទី១០ ខែធ្នូ ឆ្នាំ២០១៦ ចាប់ពីម៉ោង៣៖០០រសៀល ដល់ម៉ោង៨៖០០យប់ ក្នុងគោលបំណង ដើម្បីរំលឹកគុណដល់លោកគ្រូអ្នកគ្រូ និងផ្តល់ ឱកាសឱ្យអតីតសិស្សសាលាចតុមុខទាំងអស់បានរំលឹកឡើងវិញ នូវអនុស្សាវរីយ៍ពីអតីតកាល ដែលធ្លាប់សិក្សារៀន សូត្រ បន្ទប់ធ្លាប់រៀន បរិវេណសាលាដែលធ្លាប់រត់លេង កន្លែងដែលធ្លាប់ទិញនំចំណីជាមួយមិត្តភក្តិ ចង់ជួបមិត្តដែលធ្លាប់ប្រឡែងគ្នា និងជាពិសេស ចង់ជួបលោកគ្រូអ្នកគ្រូ ដែលធ្លាប់បង្ហាត់បង្រៀន។
កម្មវិធីនេះនឹងប្រមូលថវិការជូនលោកគ្រូអ្នកគ្រូសាលាចតុមុខទាំងខាងបថមសិក្សាទាំងខាងអនុវទ្យាល័យនិងទាំងលោកគ្រូអ្នកគ្រូចតុមុខដែលចូលនិវត្តន៍ សរុបទាំងអស់២៣៩នាក់។
តាមសម្តីអ្នករៀបចំកម្មវិធី លោកគ្រូអ្នកគ្រូម្នាក់ៗនឹងទទួលបានថវិកា១លានរៀល ឯថវិកាសេសសល់ នឹងដាក់ចូលជាមូលនិធិគ្រូសាលាចតុមុខ សម្រាប់ជួយពួកគាត់នៅគ្រាមានធុរ:ដូចជា ឈឺថ្កាត់ ចូលនិវត្ត ឬស្លាប់ តាមលក្ខន្តិករបស់ពួកគាត់។
ឆ្លើយតបនឹងបញ្ហានិរន្តរភាព អ្នករៀបចំកម្មវិធីបានឲ្យដឹងថា មូលនិធិនេះនឹងបន្តរស់តាមរយៈការលក់របស់អនុស្សាវរីយ៍ដូចជាអាវយឺត កាបូប និងរបស់ផ្សេងៗទៀតបន្ថែមលើភាគទានលោកគ្រូអ្នកគ្រូ និងវិភាគទានអតតីសិស្សចតុមុខដែលបន្តទទួលក្រោយកម្មវិធីថ្ងៃនេះនឹងគ្រប់គ្រងដោយលោកគ្រូអកគ្រូផ្ទាល់ប្រកបដោយតម្លាភាព។
ជាទីបញ្ចាប់អ្នករៀបចំកម្មវិធី បានអំពាវនាវសូមឲ្យសប្បុរសជន ចូលរួមឲ្យបានច្រើនកុះករ តាមកម្មវិធីខាងក្រោមទោះជាអតីតសិស្សចតុមុខក្តីឬ សិស្សសាលាផ្សេង ព្រោះកាធ្វើបុណ្យជាមួយគ្រូគឺដើម្បីជួយសង្គមយើងទាំងអស់គ្នា។
ទទួលបានព័ត៌មានបន្ថែម សូមទាក់ទងក្រុមការងាររៀបចំពិធីតាមទូរសព្ទ័លេខ៖ ០១២ ៥០០ ៥៣២ / ០៨១ ៥០០ ៥៣២៕
