(ឧត្តរមានជ័យ)៖ ប្រាប់ប្រពន្ធកូនទៅលួចឆក់ត្រីនៅអូរ មិនទាន់បានត្រីផងឆក់ស្លាប់ខ្លួនឯង យ៉ាងណាណោធអាធ័ម នៅយប់ថ្ងៃទី០៨ ខែធ្នូ ឆ្នាំ២០១៦ ស្ថិតនៅភូមិទំនប់ថ្មី ឃុំត្រពាំងប្រាសាទ ស្រុកត្រពាំងប្រាសាទ លុះយប់ជ្រៅទើបក្រុមគ្រួសារ ប្រទះឃើញជនរងគ្រោះដេកក្បែរឧបករណ៍ឆក់ត្រី ហើយក្រុមគ្រួសារបានបញ្ជូនទៅកាន់មន្ទីរពេទ្យ តែដាច់ខ្យល់ស្លាប់ទៅហើយ។
មន្ដ្រីនគរបាលស្រុកបានឲ្យដឹងថា បុរសក្នុងករណីឆក់ត្រីបណ្ដាលឲ្យស្លាប់ខ្លួនឯងឈ្មោះ ហ៊ុម ហួន អាយុ៣៥ឆ្នាំ រស់នៅភូមិ-ឃុំ កើតហេតុខាងលើបាន ស្លាប់ពេលបញ្ជូនមកដល់មណ្ឌលសុខភាព អូរក្រូច។
បច្ចុប្បន្នសមត្ថកិច្ចបានប្រគល់សព ទៅឲ្យក្រុមគ្រួសារ យកសាកសពរងគ្រោះធ្វើបុណ្យតាមប្រពៃណី៕
