(ភ្នំពេញ)៖​ លោក ឡេង ប៉េងឡុង​ អគ្គលេខាធិការ និងជាអ្នកនាំពាក្យរដ្ឋសភា បានថ្លែងប្រាប់អង្គភាពព័ត៌មាន Fresh News ឲ្យដឹងនៅមុននេះបន្តិចនារសៀលថ្ងៃទី០៥ ខែធ្នូ ឆ្នាំ២០១៦នេះថា គណបក្សសង្គ្រោះជាតិ បានដាក់លិខិតជូនរដ្ឋសភា ដោយស្នើសុំផ្លាស់ប្តូរតំណែងប្រធាន ក្រុមតំណាងរាស្រ្តសម្លេងភាគតិចពីលោក សម រង្ស៊ី ជំនួសដោយលោក កឹម សុខា វិញ។

លោក ឡេង ប៉េងឡុង​ បានបញ្ជាក់ថា សមាសភាពថ្នាក់ដឹកនាំក្រុមតំណាងរាស្រ្តសម្លេងភាគតិច នៅក្នុងលិខិតនោះមាន៖ ១៖ លោក កឹម សុខា ជាប្រធាន, ទី២៖ លោក យឹម សុវណ្ណ អនុប្រធាន និងទី៣៖ យ៉ែម បុញ្ញប្ញទ្ធិ ជាសមាជិក។ ចំណែកសមាសភាពកាលពីមុខគឺ៖ លោក សម រង្ស៊ី ប្រធាន, លោក កឹម សុខា អនុប្រធាន និងលោក យឹម សុវណ្ណ​ អនុប្រធាន។

លោក ឡេង ប៉េងឡុង​ បានបញ្ជាក់បន្ថែមថា ការទទួលស្គាល់សមាសភាពថ្មីនេះ មិនត្រូវការបោះឆ្នោតនោះទេ គ្រាន់តែសុំការសម្រេចពីគណៈកម្មាធិការអចិន្រ្តៃយ៍តែប៉ុណ្ណោះ៕