(ភ្នំពេញ)៖ កម្លាំងអាវុធហត្ថរាជធានីភ្នំពេញ បានបង្ក្រាបមុខសញ្ញាជនសង្ស័យ ប្រុសស្រីចំនួន១៤នាក់ ក្នុងករណីជួញដូរ និងប្រើប្រាស់គ្រឿង ព្រមទាំងទទួលផលចោរកម្ម នៅចំណុចផ្ទះលេខ១០៦ ផ្លូវ៦៣ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ។
ប្រតិបត្តិការបង្ក្រាបនេះ ធ្វើឡើងនៅម៉ោង៨៖២០នាទីយប់ថ្ងៃទី២៨ ខែវិច្ឆិកា ឆ្នាំ២០១៦ ដោយដកហូតបាន ថ្នាំញៀនក្រាមពណ៌សថ្លា (ម៉ាទឹកកក) ចំនួន០៣កញ្ចប់, ជញ្ជីងថ្លឹងគ្រឿងញៀន១គ្រឿង និងម៉ូតូ១គ្រឿង, ថង់ច្រកនិងដបសំរាប់ ប្រើប្រាស់គ្រឿងញៀនមួយចំនួន និងដែកសំរាប់ឆ្កឹះសោរមួយចង្កោម។
បច្ចុប្បន្នជនសង្ស័យទាំង១៤នាក់ ត្រូវបញ្ជូនទៅការិយាល័យប្រឆាំង បទល្មើសជួញដូរគ្រឿងញៀន នៅទីបញ្ជាការដ្ឋានកង រាជអាវុធហត្ថរាជធានីភ្នំពេញ ដើម្បីធ្វើការបញ្ជូនសំណុំរឿងទៅតុលាការ៕
