(ភ្នំពេញ)៖ ជាការឆ្លើយតបនឹងយុទ្ធនាការប្រើប្រាស់ផលិតផលខ្មែរ ពិសេសដើម្បីឆ្លើយតបតាមគោលនយោបាយរបស់រាជរដ្ឋាភិបាល ក្នុងការអនុវត្តកម្មវិធីពិសេសរបស់រាជរដ្ឋាភិបាល ដើម្បីគោលដៅស្ថេរភាពវូបនីយកម្មថ្លៃស្រូវ និងការជម្រុញការទិញស្រូវក្នុងប្រទេស ព្រមទាំងជម្រុញការនាំចេញអង្ករកម្ពុជាទៅកាន់ទីផ្សារបរទេស នារដូវប្រមូលផលស្រូវឆ្នាំ ២០១៦-២០១៧ នេះ។
ក្រុមហ៊ុន ម៉ែន សារុននឹងប្រមូលទិញស្រូវសែនក្រអូបចំនួន ២០,០០០តោន តាមតម្លៃទីផ្សារជាក់ស្តែង និងនៅនឹងកន្លែង នៅតាម ទីតាំងរោងម៉ាស៊ីនកិនស្រូវតាមបណ្តាខេត្តសំខាន់ៗរួមមាននៅរាជធានីភ្នំពេញ ខេត្តព្រះវិហារ ខេត្តបាត់ដំបង ខេត្តព្រៃវែង ខេត្តតាកែវ និងខេត្តកំពង់ឆ្នាំង។
សេចក្តីដូចបានប្រកាសជូនដំណឹងខាងលើ សូមប្រជាកសិករ អាជីវករដែលមានស្រូវសែនក្រអូបត្រូវការលក់ សូមទំនាក់ទំនងមក កាន់ក្រុមហ៊ុនដើម្បីលក់ផលស្រូវសែនក្រអូបចាប់ពីថ្ងៃជូនដំណឹងនេះតទៅរហូតដល់គ្រប់ចំនួន៕
