(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបង្ហោះឲ្យដឹងថា ថ្ងៃនេះសម្តេចតេជោ ហ៊ុន សែន ជ្រើសរើសការដើរដើម្បីហាត់ប្រាណឲ្យបែកញើស និងដើម្បីបន្ថយ​ទម្ងន់។ សម្តេចតេជោបានបង្ហោះឲ្យដឹង នៅលើ Facebook Page ផ្លូវការសម្តេច ដែលបង្ហោះឲ្យដឹងនៅមុននេះបន្តិច។

យោងតាម Facebook Page ផ្លូវការរបស់សម្តេចតេជោ ហ៊ុន សែន បានបង្ហោះយ៉ាងដូច្នេះថា «កីឡាថ្ងៃនេះ ដើម្បីបន្ថយទម្ងន់ដោយខិតខំដើរឲ្យបានច្រើន ដើម្បីឲ្យបែកញើស»។

ជាការកត់សំគាល់ រៀងរាល់ចុងសប្តាហ៍ សម្តេចតេជោ ហ៊ុន សែន តែងហាត់ប្រាណជាប្រចាំដូចជា កីឡាវាយកូនហ្គោល និងកីឡាមួយចំនួនទៀត។ សម្តេចតេជោ ហ៊ុន សែន តែងមានប្រសាសន៍ឲ្យដឹងថា ការហាត់ប្រាណ គឺសុទ្ធតែជាផ្នែកមួយ​ជួយឲ្យសុខភាពរឹងមាំ៕