(ភ្នំពេញ)៖ ចោរប្រដាប់អាវុធមួយក្រុមមានគ្នា៣នាក់ បានធ្វើសកម្មភាពភ្ជង់ប្លន់​យកម៉ូតូ Zoomer-X ឆ្នាំ២០១៦ មួយគ្រឿងបានសម្រេច ពីស្ដ្រីម្នាក់នៅវេលាម៉ោង ៨៖៤០នាទីយប់ ថ្ងៃទី២៤ ខែវិច្ឆិកា ឆ្នាំ២០១៦នេះ នៅចំណុចផ្លូវលេខ២៤៨ កែង១៤៣ សង្កាត់វាលវង់ ខណ្ឌ៧មករា។

ស្ដ្រីជនរងគ្រោះបានឲ្យដឹងថា ជនសង្ស័យមានគ្នា៣នាក់​ជិះម៉ូតូមួយ​គ្រឿងម៉ាក PCX មិនចាំស្លាកលេខ ប្រដាប់ដោយ​កាំភ្លើងខ្លី បានគំរាមប្លន់​ម៉ូតូរបស់ខ្លួនម៉ាក ZoomerX ឆ្នាំ២០១៦ ពណ៌ស ពាក់ស្លាកលេខ ភ្នំពេញ: 1FN-3838 ក្រោយមកជន​សង្ស័យបានជិះគេចខ្លួន​ដោយសុវត្ថិភាព ដោយមិនរំខាន​ដល់សមត្ថកិច្ច​មូលដ្ឋានបន្ដិចណាសោះនោះឡើយ។

ក្រោយកើតហេតុ ជនរងគ្រោះបានត្រឹមតែ​ទៅដាក់ពាក្យបណ្ដឹង​ទាំងសោកស្ដាយ​តែប៉ុណ្ណោះ៕