(កំពង់ស្ពឺ)៖ បុរសជាអ្នកបើកបររថយន្តដឹកកម្មករ កម្មាការិនីកាត់ដេរ ហើយបើកឲ្យក្រឡាប់ផ្ងាជើងឡើងលើ រងរបួសរហូត២០នាក់រួចមកនោះ ត្រូវបានកម្លាំងនគរបាលជំនាញ ស្រាវជ្រាវចាប់ខ្លួនបានហើយ នៅថ្ងៃទី២០ ខែតុលា ឆ្នាំ២០១៦នេះ ដើម្បីមកទទួលខុសត្រូវតាមផ្លូវច្បាប់​។

សូមបញ្ជាក់ថា មានករណីគ្រោះថ្នាក់ចរាចរណ៍មួយ បានកើតឡើងបណ្តាលមនុស្សចំនួន១២នាក់រងរបួស នៅព្រលប់នៅវេលាម៉ោង១៨៖០០នាទី ថ្ងៃទី១៩ ខែវិច្ចិកា ឆ្នាំ២០១៦ នៅលើផ្លូវក្រាលកៅ​ស៊ូពីផ្សារ​ស្លាបលែង ទៅផ្សារបាង្កសីត្រង់ចំណុចភូមិអង្គក្ដី ឃុំទួលអំពិល ស្រុកបសេដ្ឋ ខេត្តកំពង់ស្ពឺ។ បង្កឡើងដោយរថយន្តម៉ាកកូរ៉េដឹកកម្មករ-កម្មការិនី កាត់ដេរប្រភេទ១តោនកន្លះ ពណ៌ខៀវ ពាក់ស្លាកលេខ ភ្នំពេញ: 2J-2739 ម្ចាស់រត់គេចខ្លួនបាត់ ។

តាមសមត្ថកិច្ចបានឲ្យដឹងថា រថយន្តដឹកកម្មករនេះបើកមកដល់ចំណុចខាងលើបានបុក និងម៉ូតូបើកស្របគ្នា ហើយរថយន្ត បានជ្រុលចង្កួតធ្លាក់ផ្លូវបណ្ដាលឲ្យក្រឡាប់ផ្ងាជើងឡើង​លើ ធ្វើឲ្យមនុស្ស​ចំនួន៨នាក់​រងរបួសធ្ងន់ ត្រូវបញ្ជូនទៅមន្ទីរពេទ្យកាល់ម៉ែត និងរបួសស្រាល១២នាក់ផ្សេងទៀត ត្រូវដឹក ទៅព្យាបាលនៅមន្ទីរពេទ្យឯកជនផ្សារសង្ក័សី៕