(កំពង់ស្ពឺ)៖ បញ្ជាការដ្ឋានកងរាជអាវុធហត្ថខេត្តកំពង់ស្ពឺ បានអញ្ជើញបងប្អូនអតីតយុទ្ធជនចំនួន២០គ្រួសារ មកទទួលអំណោយក្នុងរំលឹកថ្ងៃកំណើត កងយុទ្ធពលខេមរភូមិន្នលើកទី ៦៣ និងទិវាបុណ្យឯកជាតិ (០៩ វិច្ឆិកា ១៩៥៣- ០៩ វិច្ឆិកា ២០១៦) ព្រឹកថ្ងៃទី១៨ ខែវិច្ចិកា ឆ្នាំ២០១៦ ដែលពិធីនេះ ត្រូវបានធ្វើឡើងក្រោមវត្តមាន លោកឧត្តមសេនីយ៍ត្រី ជូ សារុន មេបញ្ជាការកងរាជអាវុធហត្ថខេត្ត។ ក្នុងនោះក៏មានការចូលរួមពី លោកមេបញ្ជាការរង លោប្រធានមន្ទី អនុប្រធានមន្ទី ការិយាល័យ លោកមេបញ្ជការមូលដ្ឋាន ក្រុង-ស្រុក សា្នក់ការ សរុប១៧០នាក់។
លោកវរសេនីយ៍ឯក ចាន់ ដា មេបញ្ជាការរង និងជានាយសេនាធិការ បានអានសារជូនពរ របស់នាយឧត្តមសេនីយ៍ ប៉ុល សារឿន អគ្គមេបញ្ជា នៃកងយោធពលខេមរភូមិន្ទ ផ្ញើជូន នាយទាហាន នាយទាហានរង និងពលទាហាន ។
លោកឧត្តមសេនីយ៍ត្រី ជូ សារុន មេបញ្ជាការកងរាជអាវុធហត្ថខេត្ត បានមានមតិសំណេះសំណាលដោយលើកយកសារសំខាន់ៗ របស់នាយឧត្តមសេនីយ៍ ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ដែលបានផ្តាំផ្ញើសួរសុខទុក្ខចំពោះ នាយទាហាន នាយទាហានរង គ្រប់អង្គភាពនៃកងយោធពលខេមរភូមិន្ន។
លោកមេបញ្ជាការ បានលើកឡើងថា ដោយសារតែបងប្អូនជាអតីតយុទ្ធជននេះ ហើយដែលបានបូជាសាច់ស្រស់ ឈាមស្រស់ បានធ្វើប្រទេសជាតិ បានសុខសន្តិភាព មកដល់សព្វថ្ងៃ ដោយមើលឃើញពីគុណបំណាច់ចំពោះ ការងារការពារជាតិកន្លងមក ទើបនៅថ្ងៃនេះជាថ្ងៃនៃការរំលឹកកំណើត កងយុទ្ធពលខេមរភូមិន្ន ទើបបានអញ្ជើញ បងប្អូនមកជួបជុំគ្នា និងបានផ្តល់នៅអំណោយជូន ក្នុងបំណងបង្ហាញពីការដឹងគុណចំពោះអតីតយុទ្ធទាំងអស់ដែរ។
អំណោយសម្រាប់គ្រួសារអតីយុទ្ធជនមានមកពីកងរាជអាវុធហត្ថ និងយោធាចំនួន២០គ្រួសារ ដែលក្នុងមួយៗគ្រួសារទទួលបាន អង្ករ១បាវ ថវិកា៥០,០០០រៀល មី១កេះ ត្រីខ១០កំប៉ុង ទឹកសុទ្ធ ទឹកស៊ីអ៊ីវ សារ៉ុង៕
