(ភ្នំពេញ)៖ គ្រោះថ្នាក់ចរាចរណ៍ក្នុងពិធីបុណ្យអុំទូក រយៈពេល៣ថ្ងៃ នៅឆ្នាំនេះ មានករណីគ្រោះថ្នាក់ចរាចរណ៍ ចំនួន៥៥លើក (ឆ្នាំ២០១៥ មាន៣៤លើក) ថយ២១លើក ស្មើ៣៨ភាគរយ ក្នុងនោះអ្នកស្លាប់មានចំនួន១៤នាក់ (ឆ្នាំ២០១៥ មាន២៥នាក់) ថយ១១នាក់ ស្មើ៤៤ភាគរយ ចំណែកអ្នករងរបួសធ្ងន់ មាន៣៣នាក់ (ឆ្នាំ២០១៥ មាន៦១នាក់) ថយ២៨នាក់ ស្មើ៤៦ភាគរយ និងរងរបួសស្រាលមានចំនួន១៧នាក់ (ឆ្នាំ២០១៥ មាន១៦នាក់) មានការកើនឡើងម្នាក់។
មូលហេតុនៃគ្រោះថ្នាក់ចរាចរណ៍ ភាគច្រើនបណ្តាលមកពីបើកបរមិនប្រកាន់ស្តាំ បើកបរដោយសារងងុយដេក មិនគោរពសិទ្ធិស្រវឹងបើកបរលឿន និងមានកត្តាផ្លូវជាដើម។
ចំណែកគ្រោះថ្នាក់ចរាចរណ៍នៅ ថ្ងៃទី១៥ ខែវិច្ឆិកា ឆ្នាំ២០១៦ ប្រៀបធៀបឆ្នាំ២០១៥ មានករណីគ្រោះថ្នាក់ចរាចរណ៍ ចំនួន២៤លើក (ឆ្នាំ២០១៥ មាន១០លើក)ថយ១៤លើក ស្មើ៥៨ភាគរយ ក្នុងនោះអ្នកស្លាប់មានចំនួន៣នាក់ (ឆ្នាំ២០១៥ មាន១៣នាក់) ថយ១០នាក់ ស្មើ៧៧ភាគរយ ចំណែកអ្នករងរបួសធ្ងន់ មាន១១នាក់ (ឆ្នាំ២០១៥ មាន២៦នាក់) ថយ១៥នាក់ ស្មើ៥៨ភាគរយ និងរងរបួសស្រាលមានចំនួន៤នាក់ (ឆ្នាំ២០១៥ មាន៨នាក់) មានការថយចុះ៤នាក់ ស្មើ៥០ភាគរយ៕
