(កណ្ដាល)៖ សម្ដេចកិត្ដិព្រឹទ្ធបណ្ឌិត ប៊ុន​ រ៉ានី ហ៊ុន សែន ប្រធានកាកបាទក្រហមកម្ពុជា នៅព្រឹកថ្ងៃចន្ទ ១២កើត ខែអាសាឍ ឆ្នាំម្សាញ់ សប្ដស័ក ព.ស ២៥៦៩ ត្រូវនឹងថ្ងៃទី៧ ខែកក្កដា ឆ្នាំ២០២៥ បានអញ្ជើញសំណេះសំណាល សួរសុខទុក្ខ និងចែកអំណោយមនុស្សធម៌ជូនប្រជាជនងាយរងគ្រោះបំផុតចំនួន ៦២១គ្រួសារ មកពីស្រុកកោះធំ ស្រុកស្អាង និងក្រុងសំពៅពូន ខេត្ដកណ្ដាល។

ពិធីសំណេះសំណាល និងចែកអំណោយមនុស្សធម៌ខាងលើនេះ បានប្រព្រឹត្តទៅនៅកីឡដ្ឋានស្រុកកោះធំ ស្ថិតនៅភូមិព្រែកថ្មី ឃុំ ព្រែកថ្មី ស្រុកកោះធំ ខេត្ដកណ្ដាល ដោយមានការអញ្ជើញចូលរួមពី លោក គួច ចំរើន អភិបាលនៃគណៈអភិបាលខេត្ដ និងប្រធានគណៈកម្មាធិការសាខាកាកបាទក្រហមកម្ពុជា ខេត្ដកណ្ដាល៕