(ភ្នំពេញ)៖ សភាពការណ៍ដែលបានកើតឡើងនៅថ្ងៃទី១៣ ខែវិច្ឆិកា ឆ្នាំ២០១៦ ដែលជាថ្ងៃទី១ ក្នុងព្រះរាជពិធីអុំទូក អកអំបុក បណ្តែតប្រទីប និងសំពះព្រះខែ មិនមាមហេតុការណ៍ណាមួយកើតឡើង ធ្ងន់ធ្ងរនោះទេ គ្រាន់តែកើតមានបទល្មើសតិចតួចប៉ុណ្ណោះ តែត្រូវបានជួយអន្តរាគន៍ និងទប់ស្កាត់ទាន់ពេលពីកម្លាំងសមត្ថកិច្ច។
យោងតាមរបាយការណ៍របស់អគ្គស្នការនគរបាលជាតិ បានឲ្យដឹងថា នៅថ្ងៃទី១ នៃពិធីបុណ្យជាតិមួយនេះ មានអ្នកចូលរួមទស្សនា ចន្លោះពី៦០ទៅ៧០មឺុននាក់ មានករណីលួចចំនួន៣ករណី បង្ក្រាបបាន២ករណី ចាប់បាន២នាក់, ក្មេងវង្វេងម្តាយ២នាក់ ត្រូវបានប្រកាស និងប្រគល់ជូនអាណាព្យាបាលវិញ, ទូកលិច២គ្រឿង ត្រូវបានសង្គ្រោះនិងគ្មានគ្រោះថ្នាក់ និងភ្នាក់ងារសុខាភិបាល បានសង្គ្រោះអ្នកមានសុខភាពខ្សោយចំនួន៤នាក់ ទៅមន្ទីពេទ្យ។
ក្នុងថ្ងៃទី១ នៃព្រះរាជពិធីបុណ្យអុំទូក អកអំបុក បណ្តែតប្រទីប និងសំពះព្រះខែ កងកម្លាំងនគរបាលជាតិ និងកម្លាំងសមត្ថកិច្ចពាក់ព័ន្ធ បានរៀបចំសន្តិសុខ សណ្តាប់ធ្នាប់ ឲ្យមានលក្ខណៈល្អប្រសើរ ដោយមានប្រជាពលរដ្ឋចូលរួមប្រមាណពី៦០ ទៅ ៧០ម៉ឺននាក់។
បើសិនជាប្រជាពលរដ្ឋ ជួបប្រទះបញ្ហាអ្វី ដែលកើតឡើង អាចរាយការណ៍មកកាន់អគ្គស្នងការដ្ឋាននគរបាលជាតិ ខាងក្រោមនេះ ជាលេខទូរស័ព្ទ២៤ម៉ោង៖ ១១៧, ១១៨, ០១៧ ៥៦២ ២២២, ០៩៧៦ ៦៦៨ ៨៨១, ០៩៧ ៦៦៦ ៦៧៦, ០៩៧៩ ៣០៩ ៩៩៩, ០៧៧ ៨០៧ ៧៧៧, ០១២ ៥១១ ៣៣៣, ០១២ ៩៣០ ៧៧៧,០១១ ៧០៦ ៧០៦, ០១២ ៨០៩ ៩៧៩៕
