(ភ្នំពេញ)៖ ថ្មីៗនេះ ក្រុមហ៊ុន Huawei ប្រកាសនូវ កម្មវិធីប្រូម៉ូសិនយក្ស ដើម្បីអបអរសាទរ ពិធីបុណ្យអុំទូក គ្រីស្តម៉ាស និងបុណ្យចូលឆ្នាំសកល ដែលនឹងខិតជិតមកដល់ ក្នុងពេលឆាប់ៗនេះ។ កម្មវិធីនេះ គឺជាកម្មវិធីបញ្ចុះតម្លៃពិសេសអស្ចារ្យ ដែលពុំធ្លាប់មានពីមុនមក ហើយនឹងធ្វើឡើងចាប់ពីថ្ងៃ ទី០៤ វិច្ឆិកា ២០១៦ នេះតទៅ រហូតដល់អស់ពីស្តុក។ ការផ្ដល់ជូននេះ បាននាំមកនូវភាព រំជើបរំជួលសម្រាប់ អតិថិជនទាំងអស់ ពីព្រោះពួកគេនឹងចំណេញ​បានយ៉ាងច្រើន ដោយមិនចាំបាច់ចំណាយ លើតម្លៃពេញដូចមុន ឡើយក្នុង អំឡុងពេល ប្រូម៉ូសិន​ដ៏កម្រនេះ។

កម្មវិធីប្រូម៉ូសិនយក្ស គឺបញ្ចុះតម្លៃ សម្រាប់ទូរស័ព្ទស្មាតហ្វូនចំនួន ៥ម៉ូដែល រួមមាន Huawei P9 lite តម្លៃធម្មតា $249 ចុះនៅសល់ $229 Huawei GR5 តម្លៃធម្មតា $239 ចុះនៅសល់ $199 Huawei GR5 mini តម្លៃធម្មតា $199 ចុះនៅសល់ $185 Huawei T1 7.0 តម្លៃធម្មតា $146 ចុះនៅសល់ $139(មាស) និង $99​ (ប្រាក់) និង Huawei Y6 ii តម្លៃធម្មតា $159 ចុះនៅសល់ $149។ អមជាមួយការបញ្ចុះតម្លៃនេះ អតិថិជនក៏នឹងទទួលបាន ការបន្ថែមជូនផ្សេងៗ ទៀតដែលរួមមាន នាឡិកា A1 ជើងកាមេរ៉ា Tripod ស្រោមទូរស័ព្ទ កាស Bluetooth អង្គផ្ទុកទិន្នន័យ 32GB ឬ 16GB តាមប្រភេទម៉ូដែល និងបន្ទះការពារអេក្រង់ ទូរស័ព្ទជាដើម។

អតិថិជននឹងទទួលបាន ការបញ្ចុះតម្លៃរាល់ការជាវនូវម៉ូដែល ណាមួយនៃម៉ូដែលទាំង៥ ខាងលើនៅគ្រប់ហាង​លក់ទូរស័ព្ទដៃ ដែលជាដៃគូរ និងហាងមានស្លាកសញ្ញាក្រុមហ៊ុន Huawei។

លោក Lujian នាយកគ្រប់គ្រង Huawei Mobile Device Department ប្រចាំប្រទេសកម្ពុជា បានបញ្ជាក់ថា «នេះជាកាដូចុងឆ្នាំ ក៏ដូចជាការជូនពរ និងថ្លែងអំណរគុណ ដល់អតិថិជនរបស់យើង ដែលតែងតែបន្តគាំទ្រ ផលិតផល Huawei រហូតមក។ ​នេះមិនមែនជាលើកទី១ទេ ដែលយើងតែងតែមាន​កម្មវិធីសប្បាយ រីករាយ ក៏ដូចជាការអបអរសាទរ ក្នុងឱកាសពិសេសណាមួយ សម្រាប់អតិថិជនរបស់យើង។ ជាមួយនឹង ប្រូម៉ូសិនយក្សនេះ យើងជឿជាក់ថា អតិថិជននឹងទទួលបាន អត្ថប្រយោជន៍ជាច្រើនពី Huawei ក្នុងឱកាស រីករាយមុនដំណាច់ឆ្នាំនេះ»

ដោយតែងតែយកចិត្តទុកដាក់ខ្ពស់ ចំពោះអតិថិជនរបស់ខ្លួន ក្រុមហ៊ុន Huawei តែងតែបង្កើតនូវកម្មវិធីថ្មីៗ និងការផ្ដល់ជូនពិសេសៗ ជាបន្តបន្ទាប់។ ទោះជាយ៉ាងណាក៏ដោយ ដោយសារការថែមជូននេះ មានចំនួន កំណត់ អតិថិជនត្រូវរួសរាន់ជាវ​​ឲ្យបានឆាប់រហ័ស ចៀសវាងរង់ចាំរហូតដល់ ទំនិញអស់ពីស្ដុក៕