(ភ្នំពេញ)៖ ដើម្បីជាការអបអរសាទរ និងលើកទឹកចិត្ត​ដល់អតិថិជន ដែលតែងតែគាំទ្រ និងចូលចិត្តមកញ៉ាំអាហារ ក្នុងហាងទសវត្សរ៍៦០ រហូតមក នៅក្នុងឱកាសគម្រប់​ខួប៥ ឆ្នាំ នៃការបើកសាខាទី២ នៅតំបន់កោះពេជ្រ ហាងគុយទាវឆ្ងាញ់​ទសវត្សរ៍៦០ មានការផ្ដល់​ជូនពិសេស ដល់អតិថិជន នូវភេសជ្ជៈសុខភាព ដ៏មានឱជារសឈ្ងុញឆ្ងាញ់ ដោយឥតគិតថ្លៃ រយៈពេល៥ថ្ងៃ គឺចាប់ពីថ្ងៃទី៣១ ខែតុលា ដល់ថ្ងៃទី០៤ ខែវិច្ឆិកា ឆ្នាំ២០១៦នេះ។

លោក ប៊ុន គឹមសាន ម្ចាស់ហាងគុយទាវឆ្ងាញ់ ទសវត្សរ៍៦០ បានថ្លែងប្រាប់ Fresh News ថា ក្នុងឱកាសដែលហាងរបស់លោក បានពង្រីកបើកសាខាទី២​ មានរយៈពេល៥ឆ្នាំ​​មកហើយនេះ ហាងយើងខ្ញុំនឹងមានការផ្ដល់ជាពិសេស ដល់អតិថិជន ដើម្បីជាការលើកទឹកចិត្ត ក៏ដូចជាអបអរសាទរ ថ្លែងអំណរគុណដល់អ្នកគាំទ្រ ហាងរហូតមក។ ភេសជ្ជៈសុខភាពស្រស់ៗ ដែលអតិថិជនទទួលបាន ដោយឥតគិតថ្លៃ នៅពេលចូលពិសារគុយទាវ, ហ្វើ ឬគុយទាវខគោ ក្នុងហាងទសវត្សរ៍៦០ មានដូចជា ទឹកសណ្ដែក​ក្រហម-ខ្មៅ-ខៀវ, ទឹកត្រាវ, ទឹកល្ពៅ និងទឹកពោត ជាដើម។

ម្ចាស់ហាងរូបនេះ បានបន្តថា ហាងគុយទាវឆ្ងាញ់​ទសវត្សរ៍៦០ គឺជាហាងមួយមានឈ្មោះ​ល្បីល្បាញ ជាយូរមកហើយ ព្រោះតែម្ហូបអាហារ ត្រូវបានចំអិនឡើង ផ្ដោតសំខាន់លើគុណភាព រសជាតិ អនាម័យ និងគិតគូដល់សុខភាព អ្នកទទួលទានជាចំបង ដោយអាហារដែលអតិថិជន​​ទទួលស្គាល់ ហើយតែងតែចូលចិត្តញ៉ាំ​ជាងគេ គឺមានដូចជា គុយទាវទូក, ហ្វើឡាវ និងគុយទាវខ​គោ ជាដើម។ លើសពីនេះ នៅក្នុងរយៈពេលដ៏ខ្លីខាងមុខនេះ ហាងទសវត្សរ៍៦០ នឹងមានមុខម្ហូបពិសេសៗ ជាច្រើនទៀត ដូចជា បាយឆា-មីឆាសាំងហ្គាពួរ, ម្ហូបបែបហុងកុង, ថៃ,វៀតណាម និងឡាវ ដែលសុទ្ធសឹងតែមាន​ ឱជារសឆ្ងាញ់ពិសារ​ ដើម្បីបំពេញសេចក្ដីត្រូវការ​​របស់អិថិជន នូវមុខម្ហូបបរទេសដ៏សម្បូរបែប បន្ថែមទៀត​ ។

សូមបញ្ជាក់ថា ការផ្ដល់ជូនភេសជ្ជៈសុខភាព ពីហាងទសវត្សរ៍៦០ ក្នុងឱកាសខួប៥ឆ្នាំនេះ គឺមានតែនៅសាខាទី២ ស្ថិតក្នុងកោះពេជ្រ តែប៉ុណ្ណោះ ខណៈហាងចាប់បើកលក់ពីម៉ោង ២រសៀល ដល់ម៉ោង៩៖០០នាទីយប់ ជារៀងរាល់ថ្ងៃ៕