(ភ្នំពេញ)៖ នាយកប្រតិបត្តិ ក្រុមហ៊ុន AirAsia Group លោក តូនី ហ្វែនឺដេស (TONY FERNANDES) បានទទួលតំណែងនាយប្រតិបត្តិ ក្រុមហ៊ុន​អាកាសចរណ៍ប្រចាំឆ្នាំ ជាពានរង្វាន់ឆ្នើម Aviation Awards for Excellence ប្រចាំឆ្នាំ២០១៦ ចេញដោយមជ្ឈមមណ្ឌល​អាកាសចរណ៍ អាស៊ីប៉ាស៊ីហ្វិក(CAPA)។

ពានរង្វាន់នេះ​ត្រូវបានប្រគល់ជូនលោក ក្នុងកម្មវិធីហ្គាឡា អាហារពេលល្ងាចនៅសណ្ឋាគារ Okura នៅចុងខែតុលានេះ ហើយនេះ ជាលើកទីបី​ដែលលោក Fernandes បានឈ្នះពានរង្វាន់ពិសេស ពីមជ្ឈមណ្ឌលអាកាសចរណ៍ អាស៊ី​ប៉ាស៊ីហ្វិក (CAPA) ដ៏មានឥទ្ធិពល មួយនេះ។ ពានរង្វាន់ទទួលបានលើកដំបូង​ចំនួនពីរដងបន្តបន្ទាប់គ្នា​គឺក្នុងឆ្នាំ២០០៤-២០១៥។

លោក Tony Fernandes បានថ្លែងថា «ក្រុមហ៊ុន AirAsia បានធ្វើដំណើរដ៏វែងឆ្ងាយ ចាប់តាំងខ្ញុំបានឈ្នះពានរង្វាន់​នាយកប្រតិបត្តិ ក្រុមហ៊ុន​អាកាសចរណ៍ពី CAPA ក្នុងឆ្នាំ២០១៤ ហើយក្នុងរយៈពេល១២​ឆ្នាំមកនេះ AirAsia បានទាំងបន្តផ្លាស់ប្ដូរនិងបន្តរក្សាវត្តមាន ដូចគ្នា។ ក្រឡេកមើលក្នុងឆ្នាំ២០០៤ គំរូដឹកជញ្ជូន​តម្លៃទាប​នៅតែហាក់ដូចជាថ្មីថ្មោង​សម្រាប់ទីផ្សារអាស៊ី យើងបានចាប់បើកប្រតិបត្តិ ការិយាល័យលើកដំបូងចំនួនពីរប៉ុណ្ណោះ នៅក្រៅប្រទេសម៉ាឡេស៊ី គឺ​ក្នុងប្រទេសថៃ និងឥណ្ដូណេស៊ី។ យើង​មានយន្តហោះ១៧គ្រឿង និងបុគ្គលិកចំនួន១.៤០០នាក់ ហើយមនុស្សម្នា​គ្រាន់តែចាប់ផ្ដើម​កត់សម្គាល់ពួកយើង​តែ​ប៉ុណ្ណោះ»​

លោកបន្ដថា «​ចាប់តាំងពីពេលនោះ យើងខ្ញុំបានពង្រីកខ្លួន​ក្លាយជាក្រុមហ៊ុនអាកាសចរណ៍ ប្រចាំតំបន់អាស៊ាន ដោយដំណើរការ​ក្នុងបណ្ដាប្រទេសម៉ាឡេស៊ី ថៃ ឥណ្ឌូណេស៊ី ហ្វីលីពីន ឥណ្ឌា ហើយ​ភ្លាមនោះរួមទាំង​ជប៉ុន​ផងដែរ មានយន្តហោះជាង២០០គ្រឿង និងបុគ្គលិក Allstar ប្រមាណ ១៧.០០០​នាក់។ យើង​ជាក្រុមហ៊ុន​អាកាសចរណ៍តែមួយគត់ ដែលធ្វើការហោះហើរ​ទៅកាន់តំបន់ប្រជាជាតិ​អាស៊ានទាំង១០​ប្រទេស ហើយជាមួយសេវាកម្ម Fly-Thru(សេវា​មិន​ឆ្លង​ការត្រួតពិនិត្យ​ផ្នែកអន្តោប្រវេសន៍ និងរើប្រមូលឥវ៉ាន់) យើងអាចភ្ជាប់ការហោះហើរទាំងមូលក្នុងតំបន់អាស៊ីប៉ាស៊ីហ្វិក ចាប់ពីប្រទេសជប៉ុន កូរ៉េ និងចិន ទៅកាន់អូស្ត្រាលី និងណូវែលហ្សូឡង់ ទៅកាន់ឥណ្ឌា និងឆ្ងាយជាង​នេះដោយគ្រាន់តែឈប់​រង់ចាំតែមួយដងគត់ប៉ុណ្ណោះ ហើយយើង​ពិតជាហោះហើរ​បាន​ឆ្ងាយទៅដល់ទឹកដី​ដែនកោះ ម៉ូរី ផងដែរ នាពេល​នេះ»

លោបន្ថែមថា កត្តាធ្វើឱ្យបន្តរក្សាវត្តមានដូចគ្នា​ពីមួយឆ្នាំទៅមួយឆ្នាំ​គឺការប្ដេជ្ញា​គ្មានទីបញ្ចប់​របស់យើងខ្ញុំ​ក្នុងការនាំមកនូវគុណភាព និងគំនិតច្នៃប្រឌិត និង​ក្ដីសុបិន​ដែលអ្នករាល់គ្នាប្រាថ្នា​អាចធ្វើដំណើរតាមជើងហោះហើរ។ ពានរង្វាន់ដ៏អស្ចារ្យនេះ​ជាសញ្ញាណបង្ហាញ ពីការពិត​ដែលក្ដីសុបិន​នៅតែមាន​រស់​រវើក​យ៉ាងច្រើនសម្បូរបែប ហើយយើងនឹងបន្តនាំសុបិននេះ នៅពេលយើងឈានបន្ត​ទៅរយៈពេល ១២ឆ្នាំខាងមុខ និងឆ្ងាយជាងនេះ។សម្រាប់មជ្ឈមណ្ឌល CAPA បានឱ្យដឹងថា លោក Fernandes ត្រូវបានជ្រើសយកទទួលពានរង្វាន់នេះ ដោយសារកិច្ចការដឹកនាំក្រុមហ៊ុន AirAsia ប្រកបដោយជោគជ័យ ក្នុងការបង្កើន​ប្រាក់ចំណូល និងការកែទម្រង់ទស្សនៈវិស័យឆ្នាំនេះ បន្ទាប់ពីឆ្លងកាត់ការប្រឈមដ៏សម្បើមក្នុងឆ្នាំ២០១៥​។

គួរបញ្ជាក់ថា ទុនថ្មី​បានកើនមកពីការចេញលក់ភាគហ៊ុនថ្មី ការពង្រីកប្រតិបត្តិការហោះហើរ​ក្នុងប្រទេសចិន ការបើកដំណើរការឡើងវិញ នាពេលខាងមុខ​នូវ​អាកាសចរណ៍ AirAsia ប្រចាំជប៉ុន និងព័ត៌មានជំនួញ ជួលយន្តហោះ​ដែលត្រូវបានរំពឹងថា​ត្រូវបិទទាំងនេះ​នឹងធ្វើឱ្យ កើនទុនច្រើនបន្ថែមទៀត ហើយនឹង​កាត់បន្ថយនូវអត្រាទុនកម្ចីហិរញ្ញវត្ថុ(group leverage)​៕