(បាត់ដំបង)៖ លោក សុខ លូ អភិបាលខេត្តបាត់ដំបង នារសៀលថ្ងៃទី១ ខែមេសា ឆ្នាំ២០២៥ បានអញ្ជើញដឹកនាំប្រតិភូរដ្ឋបាលខេត្តបាត់ដំបង បន្តចុះទស្សនកិច្ចនៅសហគមន៍ផ្ទះបុរាណរបស់ខេត្តចន្ទបុរី ប្រទេសថៃ និងធ្វើដំណើរដោយជិះកាណូតទៅទស្សនកិច្ចនៅតាមសហគមន៍បាងសៈកៅ ដើម្បីទស្សនាសហគមន៍តម្បាញកន្ទេលកក់បាងសៈកៅ ដែលជាប្រភពផលិតកន្ទេលកក់ និងផលិតផលធ្វើពីដើមកក់ និងដើមក្រចៅដែលមានលក្ខណៈពិសេស។
បន្ទាប់ពីធ្វើដំណើរទស្សនកិច្ចរួចមក ភាគីទាំងពីរបាន ចុះហត្ថលេខាលើកំណត់ហេតុនៃកិច្ចប្រជុំរវាងអភិបាលខេត្តចន្ទបុរី និងអភិបាលខេត្តបាត់ដំបង ក្នុងកិច្ចសហប្រតិបត្តិការ នៃកិច្ចដំណើរការឆ្ពោះទៅកាន់ទីក្រុងបណ្តាញ នៃការច្នៃប្រឌិតផ្នែក វិជ្ជាម្ហូបអាហាររបស់ខេត្តចន្ទបុរី នៃព្រះរាជាណាចក្រថៃ ដើម្បីដកពិសោធន៍ការងារ នៃខេត្តទាំង២ផងដែរ៕
