(ភ្នំពេញ)៖ ក្រុមហ៊ុន Manulif និងធនាគារ CIMB Bank បានចុះហេត្ថលេខា លើកិច្ចព្រមព្រៀង​​ចែកចាយផលិតផល ធានារ៉ាប់រងអាយុជីវិត ដើម្បីបំពេញតម្រូវការ ផ្នែកហិរញ្ញវត្ថុជូនដល់ អតិថិជនរបស់ធនាគារ CIMB នៅទូទាំងប្រទេស​​កម្ពុជា។

ការលក់ផលិតផល ធានារ៉ាប់រងអាយុជីវិត តាមធនាគារជាចំណុចគន្លឹះ ដ៏សំខាន់មួយនៃយុទ្ធិសាស្រ្ដរបស់ ក្រុមហ៊ុន Manulife ដើម្បីពង្រឹង​​ និង ​បង្កើតឲ្យមានជម្រើសផ្សេងៗគ្នា ក្នុងការចែកចាយផលិតផលរបស់ខ្លួន និងជម្រុញបន្ថែមពីលើការបែងចែកផលិតផល ធានារ៉ាប់រងអាយុ​​ជីវិត តាមរយៈទីប្រឹក្សាធានារ៉ាប់រង អាយុជីវិតរបស់ Manulife។

លោក Robert Elliott អគ្គនាយកប្រតិបត្តិ និងនាយកចាត់ការទូទៅក្រុមហ៊ុន Manulife បានថ្លែងថា «ការចាប់ដៃគូជាមួយធនាគារ ដែល​​មាន​​សក្ដានុពលខ្លាំង ដូចជាធនាគារ CIMB នឹងជួយពង្រឹងបន្ថែមកិច្ចសហប្រតិបត្តិការ ដែលយើងមានជាមួយធនាគារជាដៃគូទាំងអស់នៅកម្ពុជា​​ ហើយការចាប់ដៃគូនេះ នឹងជួយឲ្យក្រុមហ៊ុន Manulife ខិតជិតទៅរកអតិថិជន កាន់តែច្រើនថែមទៀត តាមរយៈការផ្ដល់ជូននូវដំណោះ​​ស្រាយ លំដាប់ពិភពលោក ដែលពោលពេញទៅដោយភាពច្នៃប្រឌិត រួមមានដូចជា ការការពារប្រាក់ចំណូល ការអប់រំរបស់បុត្រធីតា ​​គម្រោងសន្សំ និងការចូលនិវត្តន៍ជាដើម»។

លោក ប៊ុន យីន នាយកប្រតិបត្តិធនាគារ CIMB បានថ្លែងថា «ការផ្ដើមនៃកិច្ចសហការថ្មីនេះ យើងរំពឹងថា ការប្ដេជ្ញា​​ចិត្តរួមគ្នាការគោរពគ្នា និងការយោគយល់គ្នា ទៅវិញទៅមក រវាងភាគីទាំងសមខាង នឹងបង្កើតបានជាមូលដ្ឋានគ្រឹះដ៏រឹងមាំ ដើម្បីសម្រេច​​បានផលប្រយោជន៍ យូរអង្វែងជាមួយគ្នានាពេលអនាគត យើងនឹងបង្កើតការសហការ យ៉ាងស្និតស្នាល ជាមួយក្រុមហ៊ុន Manulife ក្នុង​ការ​​ផ្ដល់នូវសេវាកម្ម និងផលិតផលធានារ៉ាប់រងអាយុជីវិតថ្មី ដើម្បីបំពេញតម្រូវការអតិថិជន របស់យើងទាំងអស់គ្នា ហើយក៏សង្ឃឹមជឿរជាក់​​ដែលថា ការនាំចូលផលិតផលដ៏សម្បូរបែប និងសេវាកម្មប្រចាំតំបន់របស់ធនាគារ CIMB ទៅដល់អតិថិជន របស់ក្រុមហ៊ុន Manulife»។

លោកនាយក ប៊ុន យីន ក៏បានបន្ថែមទៀតថា ផ្អែកលើសេវាកម្មលើចំនុចខ្លាំង នៃរបស់ខ្លួន ធនាគារ CIMBបានបង្កើតមោទនភាពរបស់​​ខ្លួន ដោយ មិនត្រឹមតែជាអ្នកផ្ដល់សេវាកម្មហិរញ្ញវត្ថុប៉ុណ្ណោះទេ តែថែមទាំក្លាយជាដៃគូរពាណិជ្ជកម្មដ៏ល្អមួយ របស់អតិថិជនផងដែរ ក្នុង​​កាគាំទ្រពួកគេឲ្យធ្វើការសម្រេចចិត្តលើផ្នែកហិរញ្ញវត្ថុ និងការវិនិយោគក្នុងជីវិត៕